އުރީދޫ މޯލްޑިވްސްގެ 5ޖީ ސްޕީޑް ތަޖުރިބާކޮށް ސޯޝަލް މީޑިއާގައި ހިއްސާކޮށްގެން އޮކިއުލަސް ކުއެސްޓް 3 ކާމިޔާބު ކުރުމުގެ ފުރުސަތު ލިބޭ މުބާރާތެއް އިއުލާންކޮށްފި އެވެ.

އުރީދޫއިން ބުނީ ސްޕީޑް ޓެސްޓު ކުރުމަށް 5ޖީ ލިބޭ ސަރަހައްދަކުން ސްޕީޑް ޓެސްޓު ހެދުމަށްފަހު، އެ ޓެސްޓުގެ ނަތީޖާ ސްކްރީން ޝޮޓެއް ނަގައި 5Gjassaalaa# ބޭނުންކޮށް ooredoomaldives@ ޓެގްކޮށް ސޯޝަލް މީޑިއާގެ ޕްލެޓްފޯމެއްގައި ހިއްސާކުރަން އެދޭ ކަމަށެވެ.

"ބައިވެރިވުމުން އުރީދޫ 5ޖީގެ ސްޕީޑް ތަޖުރިބާކުރުމުގެ އިތުރުން އޮކިއުލަސް ކުއެސްޓް 3 އެއް ކާމިޔާބު ކުރުމުގެ ފުރުސަތު ވެސް އޮންނާނެ. އުރީދޫގެ ހުރިހާ ކަސްޓަމަރުންނަށް ހުޅުވާލައިގެން ކުރިއަށްގެންދާ މި މުބާރާތުގައި ނަސީބުވެރިޔާ ހޮވާނީ ރެންޑަމް ޑްރޯއަކުން," އުރީދޫއިން ބުންޏެވެ.

އުރީދޫ މޯލްޑިވްސްއިން ރާއްޖޭގެ 60 އިންސައްތައަށް 5ޖީ ލިބޭ ގޮތަށް ވަނީ ފުޅާކޮށްފައެވެ.

މުބާރާތުގައި ބައިވެރިވާނެ ގޮތް:

ސްޕީޑް ޓެސްޓެއް ކުރުން: އުރީދޫ 5ޖީ ލިބޭ ސަރަހައްދަކުން ސްޕީޑް ޓެސްޓެއް ހެދުން.

ސްކްރީންޝޮޓް: ސްޕީޑް ޓެސްޓުގެ ނަތީޖާގެ ސްކްރީންޝޮޓެއް ނަގާށެވެ.

ސޯޝަލް މީޑިއާގައި ޝެއާ ކުރުން: ފޭސްބުކް، އިންސްޓަގްރާމް ނުވަތަ ޓްވިޓާ އަށް ޕޯސްޓު ކޮށްލާ. ޕޯސްޓު ކުރާއިރު ހޭޝްޓެގް

އުރީދޫއިން ބުނީ މުބާރާތުގައި ބައިވެރިވުމުގެ ސުންގަޑިއަކީ އޮކްޓޯބަރު، 19 ގެ ރޭގަނޑު 23:59 ކަމަށެވެ.

އުރީދޫއިން އަބަދުވެސް މަސައްކަތްކުރަމުން މިދަނީ ޓެކްނޮލޮޖީއާއި އެންމެ ފަހުގެ ވަސީލަތްތަކާއެކު ރާއްޖޭގެ ރައްޔިތުން ގުޅާލުމަށް ކަމަށް އެ ކުންފުނިން ބުނެ އެވެ.

ހަލުވި ސްޕީޑްގެ އިންޓަނެޓް ކުރިއަށްވުރެ ބޮޑަށް ފޯރުކޮށްދެމުންދާކަން ފާހަގަލޮށް އުރީދޫއިން ވަނީ އެ ކުންފުނީގެ 5ޖީ ތަޖުރިބާކޮށް، ކާމިޔާބީ ފާހަގަކުރުމުގައި ބައިވެރިވާން އެދިފަ އެވެ.