ރެއަލް މެޑްރިޑް، ބާސެލޯނާ، އެތުލެޓިކޯ މެޑްރިޑްފަދަ ދުނިޔޭގެ އެންމެ ބޮޑެތި ފުޓުބޯޅަ ތަރިން ހިމެނޭ ޓީމުތައް ކުޅޭ ފުޓުބޯޅަ ލީގު، ސްޕެނިޝް ލީގުގެ މެޗްތައް އައިސް ނެޓްވޯކުގެ ޗެނަލްތައް މެދުވެރިކޮށް މީޑިއާނެޓު ހިދުމަތުން ދިވެހިންނަށް ބެލޭވޭނެ އެވެ.

އައު ސީޒަނާ ކުރިމަތިލާއިރު ފުޓުބޯޅައިގެ ދުނިޔޭގެ ބޮޑެތި ނަންތަކެއް މިއަހަރު މިލީގުން ފެނިގެންދާނެ އެވެ. އެގޮތުން މިވަގުތު ދުނިޔޭގަ ހުރި އެންމެ މޮޅު އެއް ފުޓުބޯޅަ ކުޅުންތެރިޔާކަމަށް ގިނަބަޔަކު ގަބޫލުކުރާ ފްރާންސްގެ ކީލިއަން އެމްބާޕޭ ވަނީ ރިއަލް މެޑްރިޑާ ގުޅިފަ އެވެ.

އޭގެއިތުރުން ޒުވާން ތަރިން ކަމުގައިވާ ބްރެޒިލްގެ އެންޑްރިކް އަދި ތުރުކިޔޭގެ އާދާ ގުލާ ވެސް ރެއަލް މެޑްރިޑްއިން ފެނިގެންދާނެ އެވެ.

ބާސެލޯނާއަށް ބަލާއިރު ޔޫރޯ ޗެމްޕިއަންކަން ހޯދި ސްޕެއިން ޓީމުގައި އެންމެ އިސް ރޯލެއް އަދާކޮށް ރަންބޫޓު ހާސިލްކުރި ސްޕެއިންގެ ޑެނީ އޮލްމޯ ވަނީ އެޓީމާ ގުޅިފަ އެވެ. އެހެންކަމުން ސްޕެއިން ދެ ތަރިން ކަމުގައިވާ ލަމީން ޔަމާލް އަދި ޑެނީ އޮލްމޯގެ މޮޅު ކުޅުން ބާސެލޯނާ ޓީމުން ފެނިގެންދާނެ އެވެ.

އެތުލެޓިކޯ މެޑްރިޑަށް އަލަށް ގުޅުނު އެންމެ ފާހަގަކޮށްލެވޭ ކުޅުންތެރިޔާއަކީ މެންޗެސްޓަރ ސިޓީއިން އެޓީމަށް ބަދަލުވި އާޖެންޓީނާގެ ފޯވަޑް ޖޫލިއަން އަލްވަރޭޒް އެވެ.

ސްޕެނިޝް ލީގުގައި ބާސެލޯނާ ކުޅޭ މެޗު އޮތީ މިރޭ 22:00 ގައި އެޓްލެކެޓިކް ކްލަބާ ދެކޮޅަށެވެ. އަދި ރިއަލް މެޑްރިޑް މެޗް އޮތީ މާދަމާ ރޭގަނޑު 20:00 ޖަހާއިރު އެވެ.

ދުނިޔޭގެ އެންމެ ބޮޑު ފުޓުބޯޅަ ލީގުގެ މެޗުތައް ދިވެހިންނާއި ހިސާބަށް ގެނެސްދިނުމަށް މީޑިއާނެޓުން އަންނަނީ ގިނަ މަސައްކަތްތަކެއް ކުރަމުންނެވެ.

ދާދި ފަހުން ނިމުނު ނިމިގެންދިޔަ ދުނިޔޭގެ އެންމެ ބޮޑު މަލްޓި ސްޕޯރޓްސް އިވެންޓް "ޕެރިސް އޮލިމްޕިކްސް 2024" ވެސް ވަނީ އައިސް ނެޓްވޯކުގެ ޗެނަލްތައް މެދުވެރިކޮށް މީޑިއާނެޓުން ގެނެސްދީފަ އެވެ.

މީޑިއާނެޓު ކަސްޓަމަރުންނަށް ޓީވީ މެދުވެރިކޮށް އަދި މޯބައިލް ޑިވައިސްތައް މެދުވެރިކޮށް ކޮންމެ ތަނެއްގައި ހުރެވެސް އައިސް ނެޓްވޯކު މެދުވެރިކޮށް ލަލީގާގެ މެޗުތައް ވަގުތުން ބެލޭނެ އެވެ.

ބައިނަލްއަގްވާމީ ފުޓުބޯޅަ ލީގުތައް ފެށުމާ ދިމާކޮށް މީޑިއާނެޓުން ހާއްސަ ޕްރޮމޯޝަނެއް ވެސް ވަނީ ފަށާފައެވެ. އެގޮތުން ޕެކޭޖު އަޕްގްރޭޑްކޮށްގެން ގުރުއަތުން ހޮވޭ ތިން ފަރާތަކަށް އަގުހުރި އިނާމުތަކެއް ދިނުމަށްވަނީ ހަމަޖެހިފަ އެވެ.

ސެޕްޓެމްބަރު، 30 ގެ ނިޔަލަށް ކުރިއަށްދާ މި ޕްރޮމޯޝަންގެ އިނާމު ތަކުގެ ތެރޭގައި 65 އިންޗީގެ ޓީވީ، އެއަރޕޮޑްސް ޕްރޯ ސެކަންޑް ޖެން އަދި ގޫގްލް ކްރޯމްކާސްޓް އެވެ.