ދިވެހިންގެ އުފެއްދުންތެރިކަން ދައްކުވައިދޭ މައުރަޒެއް ބާއްވަން އިގުތިސާދީ އިކޮނޮމިކް މިނިސްޓްރީން ނިންމައިފި އެވެ.

އެ މިނިސްޓްރީން އާދީއްތަ ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑެޕިއުޓީ މިނިސްޓަރު ސޯލިހް ހުސެއިން ވިދާޅުވީ އެ މައުރަޒު ބާއްވާނީ "މޯލްޑިވްސް އެކްސްޕޯ 2025" ގެ ނަމުގައި އަންނަ އަހަރު ކަމަށެވެ.

"މޯލްޑިވްސް އެކްސްޕޯ 2025" ގެ ނަމުގައި ދިވެހިންގެ އުފެއްދުންތެރިކަން ދައްކުވައިދޭން މައުރަޒެއް ބާއްވަން އަޅުގަނޑުމެން މިވަނީ ނިންމާފައި. މި މައުރަޒުގައި 81 ދާއިރާއިން ބައިވެރިވުމުގެ ފުރުސަތު އޮންނާނެ،" ސޯލިހް ވިދާޅުވި އެވެ.

އެ އެކްސްޕޯ ބާއްވަން ހަމަޖެހިފައިވަނީ އަންނަ އަހަރުގެ މެއި 23މ އިން މެއި 31، އަށް ހުޅުމާލެ ސެންޓްރަލް ޕާކުގަ އެވެ.

ޖުމުލަ 81 ދާއިރާއަކުން އެކްސްޕޯގައި ބައިވެރިވުމަށް ހުޅުވާލާއިރު އުސޫލުތައް ވަރަށް އަވަހަށް ގެޒެޓު ކުރާނެ ކަމަށް ވެސް ސޯލިހް ވިދާޅުވި އެވެެ.

އަމިއްލަ ގޮތުންނާއި ރަށު އަދި ސިޓީ ފެންވަރުގަ އާއި ތައުލީމީދޭ ތަންތަނުން ވެސް ބައިވެރިވެވޭނެ އެވެ. އަދި ވިޔަފާރިވެރިންނަށާއި ހާއްސަ އެހީއަށް ބޭނުންވާ ފަރާތްތަކަށް ވެސް ބައިވެރިވުމުގެ ފުރުސަތު އޮންނާނެ އެވެ.

މި އެކްސްޕޯގެ މަގުސަދަކީ ދިވެހިންގެ އުދފެއްދުންތެރިކަމަށް އަމާޒުކޮށްގެން ބާއްވާ މައުރަޒެކެވެ. މީގެކުރިން ވެސް އެކިކަހަލަ މައުރަޒުތަކާއި ފެއާތައް ބައިނަލްއަގުވާމީ އަދި ގައުމީ ފެންވަރުގައި ވަނީ ބާއްވާފަ އެވެ.