މޯލްޑިވްސް ލިވިން އެކްސްޕޯ 2024 ގެ ޑިޖިޓަލް ޕާޓްނަރަކަށް އުރީދޫ މޯލްޑިވްސް ހަމަޖައްސައިފި އެވެ.

އުރީދޫގެ ސްޓޯލްއެއް ވެސް ފެނިގެންދާ އެ އެކްސްޕޯ މިއަދުން ފެށިގެން ހޮނިހިރު ދުވަހުގެ ނިޔަލަށް ކުރިއަށްދާނީ ހުޅުމާލެ ސެންޓްރަލް ޕާކުގަ އެވެ.

"ސްޓޯލްއަށް ޒިޔާރަތް ކޮށްގެން އަޅުގަނޑުމެންގެ 19ވަނަ އަހަރީ ދުވަހާއި ގުޅިގެން ތައާރަފްކުރި އޮފާތަކާއި ގުޅޭ މައުލޫމާތު ލިބިގެންދާނެ،" އުރީދޫގެ ސޭލްސް އެގްޒެކިއުޓިވް އަހުމަދު އަބްދުއްރަހީމް ވިދާޅުވި އެވެ.

އަހުމަދު ވިދާޅުވީ އުރީދޫގެ 5ޖީ ހިދުމަތް ރާއްޖޭގެ އާބާދީގެ 60 ޕަސަންޓަށް ފޯރުކޮށްދެވިފައިވާ ކަމަށާއި 5ޖީގެ ހިދުމަތާއި އެއާ ފައިބާގެ މައުލޫމާތު ވެސް ސްޓޯލްއިން ލިބޭނެ ކަމަށެވެ.

ލިވިން އެކްސްޕޯ ހުޅުވިފައި ހުންނާނީ ހޮނިހިރު ދުވަހުގެ ނިޔަލަށް ކޮންމެ ދުވަހަކު ހަވީރު 16:00 އިން 18:00 އަށް އަދި ރޭގަނޑު 20:00 އިން 23:00 އަށެވެ.