އައިޖީއެމްއެޗުގެ އިހުމާލުން ދަރިފުޅު މަރުވުމުން، އާއިލާއަށް ދައުލަތުގެ ފަރާތުން މާލީ ބަދަލު ދީފި އެވެ.

މާލީ ބަދަލު ހޯދުމަށް މި މައްސަލަ ސިވިލް ކޯޓަށް ހުށަހެޅި އެވެ. މާލީ ބަދަލު ދިނުމަށް ދައުލަތުން އެއްބަސްވީ ކޯޓުން ބޭރުގަ އެވެ. އެހެންވެ އާއިލާއިން ދައުވާ އަނބުރާ ގެންގޮސްފައިވެ އެވެ.

ދައުލަތާއި އެ އާއިލާ ދެމެދު ވެފައިވާ އެއްބަސްވުމަކީ ސިއްރު އެއްބަސްވުމަކަށް ވާތީ އޭގެ އެއްވެސް ތަފުސީލެއް އާއިލާއިން ވެސް އަދި ދައުލަތް ތަމްސީލްކުރާ ބަންޑާރަ ނައިބުގެ އޮފީހުން ވެސް ނުދެ އެވެ.

ބަންޑާރަ ނައިބު އޮފީހުން ހަމައެކަނި ހިއްސާކުރި މައުލޫމާތަކީ ސެޓަލްމަންޓް އެގުރިމަންޓަކަށް ދިއުމަށް އެ އޮފީހުން ނިންމި ސަބަބެވެ. އެއީ މައްސަލައިގެ ބާވަތުންނާއި ކޯޓުގައި މައްސަލަ ދިގުލައިގެން ދިޔުމަށްވުރެ މަސްލަހަތު ވެސް އޮތީ ކޯޓުން ބޭރުން މައްސަލަ ހައްލު ކުރުމަށް ކަމަށް ފެންނާތީ ކަމަށް ބުންޏެވެ.

މިއީ ކޯޓުން ބޭރުން މައްސަލަ ހައްލުކޮށް، ސިއްހީ ފަރުވާގެ އިހުމާލުގެ މައްސަލައެއްގައި މަދަނީ ބަދަލެއް ދިން ފުރަތަމަ ފަހަރެވެ.