މާދަމާ ފެށުމަށް ހަމަޖެހިފައިވާ އިންޓަ ސްކޫލް ޓޭބަލް ޓެނިސް މުބާރާތުގައި، ޖުމްލަ އެކު، 16 ސްކޫލް ބައިވެރިވެފައިވާ ކަމަށް ޓޭބަލް ޓެނިސް އެސޯސިއޭޝަން އޮފް މޯލްޑިވްސް (ޓީޓީއޭއެމް) އިން ބުނެފި އެވެ.

އެ ގޮތުން، މި ފަަހަރުގެ މުބާރާތުގައި ބައިވެރިވެފައިވާ ސްކޫލްތަކަކީ، އަހުމަދިއްޔާ އިންޓަނޭޝަނަލް ސްކޫލް، އަމީނިއްޔާ ސްކޫލް، ބިލަބޮން ހައި އިންޓަނޭޝަނަލް ސްކޫލް، ބްރައިޓްވޭ އިންޓަނޭޝަނަލް ސްކޫލް، ފުވައްމުލަކު ސްކޫލް، ގާޒީ ސްކޫލް، ގިޔާސުއްދީން އިންޓަނޭޝަނަލް ސްކޫލް، ހާފިޒް އަހުމަދު ސްކޫލް، ހިރިޔާ ސްކޫލް، ހުރަވީ ސްކޫލް، އިމާދުއްދީން ސްކޫލް، އިސްކަންދަރު ސްކޫލް، ޖަމާލުއްދީން ސްކޫލް، މަޖީދިއްޔާ ސްކޫލް، ރެހެންދި ސްކޫލް އަދި ތާޖުއްދީން ސްކޫލް އެވެ.

ޓީމުތައް ބައިވެރިވެފައިވާ ގޮތަށް ބަލާއިރު، 11، 13، 15، 17، 19 އަހަރުން ދަށުން އަންހެން 19 ޓީމު ބައިވެރިވެފައިވާއިރު، 11، 13، 15، 17 އަދި 19 އަަހަރުން ދަށުން ފިރިހެން 23 ޓީމު ވާދަކުރާނެ ކަމަށެވެ.

އޯޕަން އިވެންޓްތަކަށް ބަލާއިރު، މީގެ ތެރެއިން، 11 އަހަރުން ދަށާއި 13 އަހަރުން ދަށުގެ އޮތީ ސިންގަލްސް އެކަންޏެވެ. އަދި، 15 އަހަރުން ދަށާއި 17 އަހަރުން ދަށާއި 19 އަހަރުން ދަށުގެ ކެޓަގަރީތަކުން، ސިންގަލްސް އާއި ޑަބަލްސް ވެސް ވާދަކުރާ ގޮތަށް ވަނީ ހަމަޖެހިފަ އެވެ.

މާދަމާ އިން ފެށިގެން، 10 ދުވަހުގެ މުއްދަތަށް އިންޓަ ސްކޫލް ޓީޓީ މުބާރާތް ކުރިއަށްދާނީ، މާލޭ ޓީޓީ ހޯލުގަ އެވެ. ސަރުކާރުން ދާދި ފަހުން ވަނީ މި ހޯލު މަރާމާތު ކުރުމަށް ފަހު، އަލުން ހުޅުވައިފަ އެވެ.