އަޟްހާ އީދު ފާހަގަކުރުމުގެ ގޮތުން އުރީދޫ މޯލްޑިވްސްއިން ރާއްޖޭގެ އެކި ރަށްރަށާއި ގުޅިގެން ގިނަ ހަރަކާތްތަކެއް ކުރިއަށް ގެންގޮސްފި އެވެ.

އުރީދޫއިން ބުނީ މި ހަރަކާތްތައް ކުރިއަށް ގެންދިޔައީ އީދުގެ އުފަލުގައި ގިނަ ބަޔަކަށް ބައިވެރިވެވޭނެ ގޮތުގައި ހަރަކާތްތައް ރޭވުމުގެ އަމާޒުގައި ކަމަށެވެ. އީދު ދުވަހު ރާއްޖޭގެ އެކި ހިސާބުތަކުގައި ކުޑަކުދިންނަށް އުރީދޫއިން ހަދިޔާ ވެސް ބަހާފައިވެ އެވެ.

އުރީދޫއާއި ނޭޝަނަލް ސެންޓާ ފޯ ދި އާޓްސް ގުޅިގެން މާލޭގެ އެކި ސަރަހައްދުގައި ތަފާތު ހަރަކާތްތައް ކުރިއަށް ގެންގޮސްފައިވެ އެވެ. އޭގެ ތެރޭގައި މާލި، ލަނގިރި، ބޮޑުބެރު، ސްޓޭޖް ޝޯ، ބޮޑުމަސް އަދި އާޓިސްޓުންގެ ޝޯކޭސް ޕެއިންޓިން ޝޯކޭސް ހިމެނެ އެވެ.

ނ. ލަންދޫ އުރީދޫގެ އެހީއާއެކު އީދު ފާހަގަކުރުމުގެ ގޮތުން ވަނީ އެ ރަށުގައި ކުލަގަދަ ހަރަކާތްތަކެއް ކުރިއަށް ގެންގޮސްފަ އެވެ.

ނައިފަރުގައި ކުލަގަދަކޮށް އީދު ފާހަގަކުރުން -- ފޮޓޯ: އުރީދޫ

މި ހަރަކާތް ފެށުމުގެ ރަސްމިއްޔާތުން ފެށިގެން ލަނގިރި އާއި މާލި ފަދަ ތަފާތު ސަގާފީ ހަރަކާތްތަކަކީ ރަށުގެ ރައްޔިތުންނާއި ޒިޔާރަތްކުރާ ފަރާތްތަކަށް އީދުގެ އުފަލުގައި ތައްޔާކުރި ކަންކަމެވެ.

މީގެ އިތުރުން ބ. ކެންދޫގައި ކުޑަކުދިންގެ އިވެންޓަށް ހާއްސަ ބަބްލް ޝޯއަކާއި، މަޖާ ގޭމްތަކެއް ތައްޔާރުކުރިއިރު، ސަގާފީ ޑާންސްތަކާއި އީދުގެ އާދަޔާ ހިލާފު ހަރަކާތްތައް ވެސް ވަނީ ކުރިއަށް ގެންގޮސްފަ އެވެ.

ނައިފަރުގައި އީދަށް ގިނަ ހަރަކާތްތަކެއް ފެނިގެން ދިޔަ އެވެ. އެގޮތުން މާލި ޕެރޭޑުން ފެށިގެން ބޮޑުބެރުއާއެކު ސްޓޭޖް ޝޯއާ ހަމައަށް ކޮންމެ މީހަކަށް ވެސް އުފާވެރިކަން ލިބުނުއިރު، ރިލޭ ރޭހާއި، ބަށި ފަދަ ހަރަކާތްތައް ވެސް ކުރިއަށް ގެންދިޔަ އެވެ.