ނަން: ޕެޑްރީ ގޮންޒާލޭޒް ލޮޕޭޒް (ޕެޑްރީ)

އުފަން ތާރީހް: 25 ނޮވެމްބަރު 2002 (21 އަހަރު)

ޤައުމު: ސްޕެއިން

މަޤާމް: މިޑްފީލްޑަރު

ކްލަބް: ބާސެލޯނާ

ޤައުމީ ޓީމަށް ކުޅެން ފެށީ: 2021 ވަނަ އަހަރު

އުމުރުން އަދި އެންމެ 21 އަހަރު ވިޔަސް، ޕެޑްރީ އަކީ މިހާރު ވެސް ސްޕެއިންގެ ގައުމީ ޓީމާއި ބާސެލޯނާގެ މުހިންމު ކުޅުންތެރިއެކެވެ.

ލަސް ޕާލްމާސްގެ އެކެޑަމީން ޕެޑްރީ ބާސެލޯނާ އަށް ބަދަލުވީ 2020 ވަނަ އަހަރެވެ. އަދި 2020 / 2021 ވަނަ އަހަރުގެ ސީޒަންގައި އޭނާ ވަނީ ބާސެލޯނާގެ ސީނިއާ ޓީމުގައި ހިމަނައި ފައެވެ. މިހާރު އޭނާ އަކީ ބާސެލޯނާގެ ޓީމުގެ މުހިންމު ކުޅުންތެރިއެކެވެ.

ޕެޑްރީ ވަނީ ޓޫޓޯސްޕޯޓް އިން ހޮވާ "ގޯލްޑް ބޯއީ އެވޯޑް" 2021 ވަނަ އަހަރު ހޯދައިފަ އެވެ. އަދި މީގެ އިތުރުން ދުނިޔޭގެ އެންމެ މޮޅު 21 އަހަރުން ދަށުގެ ކުޅުންތެރިޔާއަށް ފްރާންސް ފުޓްބޯލް އިން ދޭ "ކޮޕާ ޓްރޯފީ"ވެސް އަހަރު އޭނާ ވަނީ ހޯދައިފައެވެ.

ސްޕެއިންގެ 21 އަހަރުން ދަށުގެ ޓީމަށް ކުޅެމުންދަނިކޮށް ސްޕެއިންގެ ސީނިއާ ސްކޮޑަށް ޕެޑްރީ ނެގީ 2021، މާޗު މަހުގެ ތެރޭގައި ކުޅުނު 2022 ވަނަ އަހަރުގެ ވޯލްޑް ކަޕްގެ ކޮލިފައިން މެޗުތަކަށެވެ.

ޕެޑްރީ ވަނީ މިހާތަނަށް ބައިނަލްއަޤްވާމީ ދެ މުބާރާތް ސްޕެއިންގެ ގައުމީ ޓީމާއެކު ކުޅެފައެވެ. އެއީ، 2022 ވަނަ އަހަރުގެ ވޯލްޑް ކަޕާއި 2021 ވަނަ އަހަރު އޮތް ޔޫރޯ އެވެ. އަދި މީގެ އިތުރުން 2020 ވަނަ އަހަރުގެ އޮލިމްޕިކް ގޭމްސްގައިވެސް ސްޕެއިންގެ ޓީމަށް އޭނާ ކުޅުނެވެ.