ލަންޑަން (މެއި 31) - މަޝްހޫރު އެނާޖީ ޑްރިންކްގެ ބްރޭންޑް ކުންފުނި ރެޑްބުލް އިން އިނގިރޭސި މަޝްހޫރު ކްލަބް، ލީޑްސް ޔުނައިޓެޑްގެ ހިއްސާއެއް ގަނެފި އެވެ.

ލީޑްސްގެ ޗެއާމަން، ޕަރާތު މަގާތޭ ވިދާޅުވީ، އެ ކްލަބް މާލީ ގޮތުން ވަރުގަދަ ކުރުމަށާއި ކުރިއަށް ގެންދިއުމަށްޓަކައި ރެޑްބުލް އިން ގުޅުމަކީ ވަރަށް އުފާވެރި ހަބަރެއް ކަމަށެވެ. އަދި ރެޑްބުލްއާ ގުޅިގެން، ޔޫރަޕްގައި މި ވަގުތު ވެސް ރަނގަޅަށް ފުޓްބޯޅަ ކްލަބްތަކެއް ހިނގަމުން އަންނާތީ، ލީޑްސް އިން ވެސް އެކަންކަން ފެންނާނެ ކަމަށް ވަނީ ވިދާޅުވެފަ އެވެ.

މި ވަގުތު ރެޑްބުލްއާ ގުޅިގެން ހިންގަމުން އަންނަ ކްލަބްތަކަކީ، ޖަރުމަނުގެ އާރްބީ ލައިޕްޒިގު، އޮސްޓްރިއާގެ ރެޑްބުލް ސަލްޒްބާގް އަދި އެމެރިކާ ލީގުގެ ނިއުޔޯކް ރެޑްބުލް އެވެ. މި ކްލަބްތަކުގައި، ރެޑްބުލްގެ ބޮޑު ހިއްސާއެއް އޮތް ނަަމަވެސް، ލީޑްސްގައި މި ވަގުތު އޮތީ ކުޑަ ހިއްސާއެކެވެ. އެކަމަކު، ރިޕޯޓްތައް ބުނާގޮތުން، ރެޑްބުލްގެ ހިއްސާ އިތުރު ކުރުމުގެ ޕްލޭނެއް އެބައޮތެވެ.

އިނގިރޭސި ދެ ވަނަ ޑިވިޝަނުގެ ޕްލޭއޮފުން މި ފަހަރު ސައުތެމްޓަން އަތުން ބަލިވި ލީޑްސްގައި މި ވަގުތު ހިއްސާދާރުންގެ ގޮތުގައި ތިބީ، 49އާސް އެންޓަޕްރައިޒަސް އާއި ދެ އެކްޓަރުން ކަމަށްވާ، ރަސަލް ކްރޯ އާއި ވިލް ފަރެލްގެ މައިނޯރިޓީ ހިއްސާ އެވެ.

ލީޑްސް، ޕްރިމިއާ ލީގުން ރެލިގޭޓްވީ މީގެ އެއް ސީޒަން ކުރިންނެވެ.