ގދ.އަތޮޅުގައި އޮންނަ ރަފުލްސް މޯލްޑިވްސް ނަމަކަށް ކިޔާ ރިސޯޓަކުން ކަޔަކް އެއްގައި (ފަލިޖަހައިގެން ދުއްވާ ކުޑަ އުޅަނދެއް) ގައި ނުކުތް މީހަކު ގެއްލިގެން، އޭނާ ހޯދުމުގެ މަސައްކަތް ފަށައިފި އެވެ.

ފުލުހުން ބުނި ގޮތުގައި އެ ރިސޯޓުން ގެއްލުނީ ރިސޯޓްގެ ދޯންޏެއްގައި މަސައްކަތްކުރާ ބިދޭސީ މުވައްޒަފެކެވެ. އެއީ ބަންގްލަދޭޝް މީހެއް ކަމަށް މައުލޫމާތު ލިބިފައިވާ ކަމަށް ވެސް ބުންޏެވެ.

އޭނާ ގެއްލިގެން ފުލުހުންނަށް ރިޕޯޓްކުރީ މިއަދު މެންދުރުފަހު 3:30 އެހާކަށް ހާއިރު އެވެ.

ރާއްޖޭގައި ހުޅަނގު މޫސުމުގެ ބާރު ގަދަވެ، މުޅި ރާއްޖެއަށް ވެސް މިއަދު ވައިގަދަ ވެފައި ވާއިރު ކަނޑުތައް ވެސް ގަދަ އެވެ.