3 މާރިޗު 2024 - 15:21 0
މުހައްމަދު އުޝާމް
އިނގުރައިދޫ ދާއިރާގެ މެމްބަރު ހަސަންޓޭ. މި ބިލުގައި ވަނީ ކުށްތަކުގައި އިސްތިއުނާފު މަރުހަލާ ނިމެންދެން ކަފާލާތުގެ ދަށުން ދޫކޮށްލަން އެދޭއިރު ސާބިތުކުރަން ޖެހޭ ކަންކަން ވެސް ހިމަނާފައި. ---- ފޮޓޯ: މަޖިލިސް އިދާރާ
3 މާރިޗު 2024 - 15:21 0
ހުކުމް ތަންފީޒުކުރުން ފަސްކޮށްދީ، ކަފާލާތުގެ ދަށުން އިސްތިއުނާފު ނިމެންދެން ބަންދުން ދޫކޮށްލެވޭނެ ހަމަތައް ހިމަނައި، ޖިނާއީ އިޖުރާއަތުގެ ގާނޫނަށް ބަދަލު ގެންނަން ސަރުކާރުން ހުށަހަޅައިފި އެވެ.
ސަރުކާރުން ހުށަހެޅި ބިލުގައި ކުށް ސާބިތުވެ އެ ކުށަށް އޭނާގެ މައްޗަށް ޖަލުގައި ބަންދު ކުރުމުގެ އަދަބެއް ކަނޑައަޅާފައި ވަނިކޮށް އެ ހުކުމް އިސްތިއުނާފު ކުރުމަށް ފަހު އިސްތިއުނާފު މަރުހަލާގައި ކޯޓުގައި، އިސްތިއުނާފު ނިމެންދެން ކަފާލާތުގެ ހައްގު ލިބޭނެ ކަން ބަޔާންކޮށްފައިވެ އެވެ.
ޖިނާއީ އިޖުރާއަތުގެ ގާނޫނަށް ބަދަލުތަކެއް ގެނައުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ. ޝަރީއަތް ހިނގަމުންދާ ދުވެލި ލަސްވެ، "ވާނުވާ" ބަންދުގައި ތިބެން ޖެހޭތީ އުފުލަން ޖެހޭ ތަކުލީފުތަކަށް ލުޔެއް ދިނުމުގެ ނިޔަތުގައި ކަމަށް އެމަނިކުފާނު ވިދާޅުވެފައިވެ އެވެ.
އިނގުރައިދޫ ދާއިރާގެ މެންބަރު ހަސަން އަހުމަދު (ހަސަންޓެ) ގެ ނަމުގައި ހުށަހެޅުއްވި ބިލުގައި ބުނާ ގޮތުން ޖިނާއީ އިޖުރާއަތުގެ ގާނޫނުގެ 63 ވަނަ މާއްދާގައި ބަޔާން ކުރާ ކުށްތަކުގެ ތެރެއިން ކުށެއް ސާބިތުވެ ހުކުމް ކޮށްފައިވާ ހާލަތުގައި، އެ ކަމަށް ނޭދެވޭނެ ކަމަށެވެ.
އެ ކުށްތަކަކީ؛
އެހެން ކުށްތަކުގައި އިސްތިއުނާފު މަރުހަލާ ނިމެންދެން ކަފާލާތުގެ ދަށުން ދޫކޮށްލަން އެދޭއިރު ތިން ކަމެއް ސާބިތުކުރަން ޖެެހެ އެވެ.
މި ގޮތަށް ކޯޓުގައި އެދިއްޖެނަމަ، އެ ކަން އަންގައި ދައުވާ ކުރާ ފަރާތަށް ކޯޓުން ނޯޓިސްއެއް ފޮނުވަން ޖެހޭނެ ކަމަށް ވެސް ބިލުގައިވެ އެވެ.
ޝަރީއަތް ނިމެންދެން ބަންދުކޮށްފައި ހުންނަ އިރާއި، އިސްތިއުނާފު މަރުހަލާގައި ހުކުމް ތަންފީޒުކުރުން ފަސްކުރަން އެދޭ އިރު ވެސް ކަފާލާތުގެ ދަށުން ދޫކޮށްލަން އެދުމުން، އެ ކަމުގައި ގޮތެއް ނިިންމުމުގައި ފަނޑިޔާރުން ފަސް ކަމަކަށް ބެލުމަށް ވެސް ބިލުގައިވެ އެވެ.
ކަފާލާތުގެ ދަށުން ދޫކޮށްލާއިރު އެ މީހަކު މައްޗަށް ޝަރުތު ކުރުމުގައި ފަނޑިޔާރުންނަށް އިހުތިޔާރު ކުރެވޭނެ ހަތް ޝަރުތެއް ވެސް ބިލުގައި ލިޔެފައިވެ އެވެ.
ކަފާލާތުގެ ދަށުން ދޫކޮށްލާފައި ހުންނަ މުއްދަތުގައި ޕާސްޕޯޓު ހިފަހައްޓައި ފުރުން މަނާ ކުރުމުގެ އަމުރު ނެރުމުގެ އިހުތިޔާރު ވެސް ފަނޑިޔާރަށް ލިބިގެންވާ ކަމަށް ބިލުގައިވެ އެވެ.
Comment