މާލެއިން 14 އަހަރުގެ ކުއްޖަކު ގެއްލިގެން އާއިލާއިން ރިޕޯޓް ކުރުމުން އެ ކުއްޖާ ހޯދުމުގެ މަސައްކަތް ފުލުހުން ފަށައިފި އެވެ.

ފުލުހުން ބުނީ، އާއިލާއަށް ހަބަރު ނުވެގެން ގެއްލިފައިވާ ކަމަށް ފެބްރުއަރީ، 11 ގައި ރިޕޯޓް ކޮށްފައި ވަނީ މ.އެނބޫމާގެއާގެ، ހަދީޖާ ޔަލްވީ ކަމަށެވެ.

ހަދީޖާ ޔަލްވީ އެންމެ ފަހުން ފެނިފައި ވަނީ ފެބްރުއަރީ، 9 ވަނަ ދުވަހުގެ ރޭ 20:00 ހާއިރު އެ ކުއްޖާ ދިރިއުޅޭ މ. އެނބޫމާގެއިން ކަމަށް އާއިލާއާ ހަވާލާދީ ފުލުހުން ބުނެ އެވެ.

ކުއްޖާއާ ބެހޭ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ފެމިލީ އެންޑް ޗައިލްޑް ޕްރޮޓެކްޝަންގެ ނަމްބަރު 9790163 / 3000600 އަށް ގުޅުމަށް ފުލުހުން ވަނީ އެދިފަ އެވެ.