ޗައިނާގެ ކޯސްޓްގާޑް ހަތަރު އުޅަނދެއް މައްސަލަ ބޮޑުވެފައިވާ އިރުމަތީ ޗައިނާ ކަނޑަށް ވަތް މައްސަލަ ހޫނުވެއްޖެ އެވެ.

މައްސަލަ ހޫނުވީ އަންގާރަ ދުވަހު ޗައިނާގެ ކޯސްޓުގާޑުގެ އުޅަނދުތައް އިރުމަތީ ޗައިނާ ކަނޑަށް ވަނުމާ ގުޅިގެން ޖަޕާނުން އެކަމާ ހިތްހަމަ ނުޖެހި އެ ހަތަރު އުޅަނދު އެ ސަރަހައްދުން ނިކުތުމަށް އެންގުމާ ގުޅިގެންނެވެ.

މިކަމާ ގުޅިގެން ޗައިނާއިން ބުނީ، އެ ގައުމުގެ ކޯސްޓްގާޑު އުޅަނދުތައް އިރުމަތީ ޗައިނާގެ ކަނޑަށް ވަނީ ސެންކާކޫ އައިލޭންޑްސް ހިމެނޭ ސަރަހައްދު ޕެޓްރޯލް ކުރުމަށް ކަމަށެވެ.

އިރުމަތީ ޗައިނާ ކަނޑު ސަރަހައްދަކީ ޗައިނާ އާއި ޖަޕާނާއި، ދެކުނު ކޮރެއާގެ އިތުރުން ޓައިވާން ހިމެނޭ ސަރަހައްދުގައި އޮންނަ ކަނޑެކެވެ. އެ ކަނޑަކީ ޗައިނާ އާއި ޖަޕާނުގެ އިތުރުން ޓައިވާންގެ އިހުތިސާސް ތެރޭގައި ހިމެނޭ ކަނޑެއް ކަމަށް އެ ތިން ގައުމުން ދައުވާ ކުރެ އެވެ.

ޖަޕާނުގެ ކޯސްޓް ގާޑުން ބުނާ ގޮތުގައި ޗައިނާގެ ކޯސްޓް ގާޑް އުޅަނދުތައް ޖެނުއަރީ 27, ގައި ވެސް އިރުމަތީ ޗައިނާގެ ކަނޑުގެ ސަރަހައްދަށް ވަނެވެ.

އިރުމަތީ ޗައިނާ ކަނޑުގެ މައްސަލައިގައި މިހާތަނަށް ރަސްމީކޮށް އެއްވެސް ގޮތެއް ނުނިންމަ އެވެ. ބައިނަލްއަގުވާމީ ގާނޫނޫ ދަންނަ ގޮތުން އެ ސަރަހައްދަކީ ރަސްމީކޮށް އެއްވެސް ބައެއްގެ ސަރަހައްދެއް ނޫނެވެ.