ރައްޔިތުންގެ މަޖިލީހަށް ޕްރޮގްރެސިވް ކޮންގްރެސް ކޯލިޝަނުގެ ޓިކެޓުގައި ވާދަކުރާނެ މީހުން ހޮވަން ބޭއްވި ޕްރައިމަރީން ނާކާމިޔާބުވެވަޑައިގެންނެވި ބޭފުޅުންގެ ތެރޭގައި ކުރީގެ ފޮރިން މިނިސްޓަރު ދުންޔާ މައުމޫނާއި ކުރީގެ ބައެއް މަޖިލިސް މެމްބަރުން ހިމެނިވަޑައިގެންފި އެވެ.

ޕްރޮގްރެސިވް ކޮންގްރެސްގެ ޓިކެޓުގައި މަޖިލީހަށް ވާދަކުރަން ބޭއްވި ޕްރައިމަރީގައި 73 ދާއިރާއަކަށް 283 ކެނޑިޑޭޓުން ވާދަކުރި އެވެ. މި ޕްރައިމަރީގައި 71،597 މީހަކަށް ވޯޓު ލުމުގެ ހައްގު ލިބުނެވެ. މީގެ ތެރެއިން ވޯޓުގައި ބައިވެރިވީ ކިތައް މީހުން ކަމެއް އަދި ކަށަވަރެއް ނޫނެވެ.

Advertisement

ޕީޕީއެމް/ޕީއެންސީގެ ޓިކެޓު ކާމިޔާބުކުރެއްވި ގިނަ މީހުންނަކީ ކުރިން ވެސް މަޖިލިސް މެމްބަރުކަން ނުވަތަ ސަރުކާރުގެ އިސް މަގާމުތައް ފުރުއްވާފައިވާ މީހުންނެވެ. އޭގެ ތެރޭގައި 17 ވަނަ މަޖިލީހާއި 18 ވަނަ މަޖިލީހުގެ ތިއްބެވި މެމްބަރު ހިމެނިވަޑައިގަންނަވަ އެވެ.

ނާޒިމާއި ކުރީގެ ބައެއް މެންބަރުންނަށް ޕީއެންސީ/ޕީޕީއެމް ޓިކެޓު

ޕްރައިމަރީގައި ވޯޓު ލުމުގެ ހައްގު 71،597 މީހުންނަށް ލިބުނުއިރު، 73 ދާއިރާއަކަށް ޖުމްލަ 283 ކެންޑިޑޭޓުން ވާދަކުރި.

ނާޒިމާއި ކުރީގެ ބައެއް މެންބަރުންނަށް ޕީއެންސީ/ޕީޕީއެމް ޓިކެޓު

ޕްރައިމަރީގައި ވޯޓު ލުމުގެ ހައްގު 71،597 މީހުންނަށް ލިބުނުއިރު، 73 ދާއިރާއަކަށް ޖުމްލަ 283 ކެންޑިޑޭޓުން ވާދަކުރި.

ކުރިން މެމްބަރުކަން ކުރެއްވި ބޭފުޅުންގެ ތެރެއިން ޓިކެޓު ނުލިބުނީ މަކުނުދޫ ދާއިރާގެ ކުރީގެ މެމްބަރު އަނާރާ ނައީމާއި ތުލުސްދޫ ދާއިރާގެ ކުރީގެ މެމްބަރު މުހައްމަދު ވަހީދު އިބްރާހިމް (ލޯޔަރު ވައްޑެ)ގެ އިތުރުން އިހަވަންދޫ ދާއިރާގެ ކުރީގެ މެމްބަރު މުހައްމަދު އަބްދުﷲ (މުހައްމާ) އަށެވެ.