1 ޖަނަވަރީ 2024 - 11:46 0
މިންހާ އަބްދުﷲ
ހުޅުލޭ އެއާޕޯޓަށް ދާ މަގުގައި އާދަޔާ ހިލާފަށް ފެން ބޮޑުވެފައި
1 ޖަނަވަރީ 2024 - 11:46 0
އިއްޔެ ރާއްޖެއަށް ކުރި ވިއްސާރާގައި އެންމެ ބޯކޮށް ވާރޭ ވެހިފައި ވަނީ ހުޅުލެއަށް ކަމަށް މޫސުމާ ބެހޭ ގައުމީ އިދާރާއިން ބުނެފި އެވެ.
އެ އިދާރާއިން އާންމުކުރި ތަފާސްހިސާބުތަކަށް ބަލާއިރު 179.7 މިލިމީޓަރުގެ ވާރޭ ހުޅުލެއަށް ވެހިފައިވެ އެވެ. މިއީ 24 ގަޑިއިރު ތެރޭ މިހާތަނަށް އެންމެ ގިނައިން ވާރޭ ވެހިފައިވާ ކަމަށް ރެކޯޑު ކުރެވިފައިވާ މިންވަރެވެ. އިއްޔެ މާލެއަށް 118.2 މިލިމީޓަރުގެ ވާރޭ ވެހިފައިވެ އެވެ.
ތިންވަނަ އަށް އެންމެ ގިނައިން ވާރޭ ވެހިފައިވާ ރަށެއްގެ ގޮތުގައި ފާހަގަކޮށްފައި ވަނީ ބ. ގޮއިދޫ އެވެ. އެ ރަށަށް 105.6 މިލިމީޓަރުގެ ވާރޭ ވެހިފައިވެ އެވެ.
އިއްޔެ ކުރި ވިއްސާރާގައި މުޅި މާލޭ ގައި ފެންބޮޑުވި އެވެ. އަދި ގިނަ ފްލައިޓުތަކެއް ޑިލޭ ވެ، ކެންސަލްވެސް ކުރި އެވެ.
ލެއަށް ކުރި ވިއްސާރައިގެ ސަބަބުން ގެއްލުންވި 96 އާއިލާއެއްގެ މީހުން ވަގުތީ ހިޔާއަށް ބަދަލު ކުރުމަށް ނިންމާފައިވެ އެވެ. ރޭގެ ވަގުތެއްގައިވެސް، ބައެއް ގެތަކުން މީހުން ބަދަލު ކޮށްފައިވެ އެވެ.
މީގެ އިތުރުން އެކި ރަށްރަށަށް ގިނަ ގެއްލުންތަކެއް ވެ، އެ ރަށްތަކުގެ އާއިލާތަކަށް އެހީ ފޯރުކޮށްދިނުމަށް ޑިޒާސްޓަ މެނޭޖްމަންޓް އޮތޯރިޓީއާ ކަމާ ގުޅުން ހުރި އިދާރާތައް ގުޅިގެން މަސައްކަތް ކޮށްފައިވެ އެވެ.
މީގެ ތެރޭގައި ފ. ނިލަންދޫ، ކ. ގުރައިދޫ، ލ. ގަން އަދި ފޮނަދޫ އާއި އައްޑޫ ސިޓީ އަދި ފުވައްމުލައް ސިޓީ ހިމެނެ އެވެ.
Comment