މިއަހަރުގެ ދިރާގު މޯލްޑިވްސް ރޯޑް ރޭސް(ޑީއެމްއާރްއާރް)ގެ އޮފިޝަލް ކޯޗިން އަދި ވެލްނެސް ޕާޓްނަރުން އިއުލާންކޮށްފި އެވެ.

ރޯޑް ރޭހުގެ އޮފިޝަލް ކޯޗިން އަދި ވެލްނެސް ޕާޓްނަރުންނާއެކު، ދުވުމަށް ތައްޔާރުވުމަށް ހާއްސަ ކޯޗިން ހޯދުމުގެ ފުރުސަތު ބައިވެރިންނަށް ލިބިގެންދާނެ އެވެ. މިއީ ދުވުމުގެ ބައިވެރިންނަށް ތަމްރީނުކޮށްދިނުމަށްޓަކައި 2018 ވަނަ އަހަރުން ފެށިގެން ދިރާގުން ހޯދައިދެމުން އަންނަ ފުރުސަތެކެވެ.

އެގޮތުން މި އަހަރުގެ ކޯޗިންގ އަދި ވެލްނެސް ޕާޓްނަރުންނަކީ:

• ސާއިދް ސްޕޯޓްސް (ކޯޗިންގ ޕާޓްނާ): ފުރަތަމަ ފަހަރަށް ޑީއެމްއާރްއާރްގައި ބައިވެރިވާ ފަރާތްތަކަށް ދިރާގު ބްރޭންޑް އެމްބެސެޑާ އަދި ރާއްޖޭގައި ހުރި އެންމެ ހަލުވި ދުވުންތެރިޔާކަމަށްވާ ހަސަން ސާއިދުގެ ފަރާތުން ހިލޭ ތަމްރީނު ލިބޭނެ އެވެ.
• އެލީޓް ރަނާސް (ކޯޗިން ޕާޓްނާ): ޑީއެމްއާރްއާރްގެ ބައިވެރިންނަށް މި ކްލަބް މެދުވެރިކޮށް ޕާސަނަލައިޒްޑް ޓްރެއިނިން ޕްރޮގްރާމަކާއެކު ތަމްރީންވެވޭނެ އެވެ.
• ކްލަބް ކޭވައި ސްޕޯޓްސް (ކޯޗިން ޕާޓްނާ): ކޯޗު ޔަޒޫ އާއި ކްސާބާއާއެކު ޑީއެމްއާރްއާރްގެ ޒުވާން ދުވުންތެރިންނަށް ތަމްރީންވެވޭނެ އެވެ.
• ދަ ވެލްނެސް ކްލަބް (ވެލްނެސް ޕާޓްނާ): މަޝްހޫރު ރަނިން ކޯޗު މަރިޔަމް އަބްދުލް ކަރީމްގެ ފަރާތުން ފިޒިކަލް ފިޓްނަސް އަދި ވެލްނެސްއާ ގުޅޭ ގައިޑެޑް ސެޝަންތަށް ބައިވެރިންނަށް ލިބޭނެ އެވެ.

އޮކްޓޫބަރު 27، ގައި ބޭއްވުމަށް ހަމަޖެހިފައިވާ ދިރާގު ރޯޑް ރޭހުގައި 4،000 ދުވުންތެރިންނާއެކު ބައިވެރިވާ ކަމަށް އެ ކުންފުނިން މައުލޫމާތުދެ އެވެ.

ދިރާގު ރޯޑް ރޭހާއި ގުޅުން ހުރި އެކު އިވެންޓްތަކުގެ މައުލޫމާތު މި ލިންކުން ލިބޭނެ އެވެ.