ކުރީގެ ރައީސް އަބްދުﷲ ޔާމީން އާއި ކުރީގެ ނައިބު ރައީސް އަހުމަދު އަދީބު އަތުން ފައިސާ ހޯދަން ކޯޓަށް ހުށަހަޅައިފި އެވެ.

ޕްރޮސިކިއުޓަ ޖެނެރަލް ހައި ކޯޓަށް ހުށަހެޅީ ވ. އާރަށް ކުއްޔަށް ދޫކުރުމުގެ ތެރެއިން ހިންގި ކަމަށް ބުނާ ހިޔާނާތުގެ މައްސަލާގައި, އެ ހިޔާނާތުން ޔާމީން ހޯދި މަންފާ ކަމަށް ބުނެ 52 މިލިއަން ރުފިޔާ ހޯދުމުގެ މައްސަލަ އެވެ.

އެ މައްސަލައިގައި ރިޝްވަތު ހިފުމާއި މަނީ ލޯންޑަރިންގެ ކުށް ސާބިތުވެ ޔާމީންގެ މައްޗަށް 11 އަހަރުގެ ޖަލު ހުކުމަކާއި ފަސް މިލިއަން ޑޮލަރުގެ ޖޫރިމަނާގެ ހުކުމެއް ކްރިމިނަލް ކޯޓުން އިއްވީ ޑިސެމްބަރު 25، 2022 ގަ އެވެ. ނަމަވެސް، 53 މިލިއަން ހަ މަސް ތެރޭ ދެއްކުމުގެ އަމުރު ނެރުނީ ފެބްރުއަރީ 26، ގަ އެވެ.

މައުޟޫއީ މައްސަލައިގެ ހުކުމުގެ ބޭރުން ނެރުނު އެ އަމުރު ޔާމީންގެ ފަރާތުން ހައި ކޯޓުގައި އިސްތިއުނާފް ކުރުމުން، ހައި ކޯޓުން ވަނީ އެ އަމުރު ބާތިލުކޮށްފަ އެވެ. އޭގައި ވަނީ، ދަށު ކޯޓުގެ ހުކުމުގައި އުނިކަމެއް އޮތް ކަމަށް ދެކޭނަމަ، ގާނޫނީ އިޖުރާއަތަކީ މަތީ މަރުހަލާގެ ކޯޓެއްގައި އިސްތިއުނާފް ކުރުން ކަމަށެވެ.

އެމްއެމްޕީއާރުސީ ހިޔާނާތުގެ މައްސަލާގައި ކުރީގެ ނައިބު ރައީސް އަހުމަދު އަދީބުގެ މައްޗަށް ކުރި ދެ މިލިއަން ރުފިޔާގެ ޖޫރިމަނާއިން އެއް މިލިއަން ރުފިޔާ އަދިވެސް ނުދައްކާ އޮތް މައްސަލަ އެޓާނީ ޖެނެރަލް (އޭޖީ) އޮފީހުން ސިވިލް ކޯޓަށް މިހާރު ވަނީ ހުށަހަޅައިފަ އެވެ.

އެމްއެމްޕީއާރުސީ ހިޔާނާތާއި ގުޅިގެން އުފުލުނު ދެ ދައުވާއަކަށް ކޮންމެ ދައުވާއަކަށް އެއް މިލިއަން ރުފިޔާއިން އަދީބު ޖޫރިމަނާކުރި އެވެ. މި ދެ މިލިއަން ރުފިޔާގެ ޖޫރިމަނާ ދައްކާ ހަލާސްކުރުމަށް ދިނީ އެއް މަސް ދުވަހުގެ މުއްދަތެކެވެ.

މި މައްސަލަ އޭޖީއިން މިހާރު ސިވިލް ކޯޓަށް ހުށަހަޅާާފައިވާއިރު، މައްސަލައިގެ ފުރަތަމަ އަޑުއެހުން ބޭއްވީ މިދިޔަ މަހުގެ ދެވަނަ ދުވަހު އެވެ. އެ އަޑުއެހުމުގައި ޕްރޮޕޯސަލް ހުށަހަޅަން އަަދީބުގެ ފަރާތުން އެދިފައި އޮތުުމުން އެ ފުރުސަތު ދިނެެވެ.

އަދީބުގެ ފަރާާތުން އެދިފައި ވަނީ ކޮމިޓްމެންޓުގެ ގޮތުގައި ފުރަތަމަ އެއްލައްކަ ރުފިޔާ ހުށަހެޅުމަށް ފަހު، ކޮންމެ މަހަކު 20،000ރ. ގެ މަގުން އެ ޖޫރިމަނާ ދައްކާ ހަލާސްކުރުމަށެވެ.

މުހިންމު ބައެއް ހަބަރު

ދުވަހުގެ ކޯޓޭޝަން

ފޯޅަވަހި ކޯލިޝަންގައި ހިމެނޭ ކުރީގެ ހޯމް މިނިސްޓަރު އުމަރު ނަސީރު އާއި "ފިކުރެއްގެ ދިރުން" އަށް ނިސްބަތްވާ މެދު ހެންވޭރު ދާއިރާގެ މެމްބަރު އަލީ އާޒިމްގެ ވާހަކައިގައި ތަފާތުތައް ހުއްޓެވެ. އިންޑިއާއަށް ކަނޑު ވިއްކާލި ކަމަށް އުމަރު ވިދާޅުވިއިރު އާޒިމު ވިދާޅުވީ،

އަޅުގަނޑުމެން މިތަނުގައި މިތބީ ތަފާތު ހިޔާލުގެ ތަފާތު ބޭފުޅުން. ހިޔާލު ތަފާތުވުން އޮތް ނަމަވެސް ވަރަށް މުހިންމު ވަރަށް މާތް މަގްސަދެއްގައި.... އުމަރު ނަސީރު ދެއްކެވި ވާހަކައިގަ ވަކި ގައުމެއްގެ [އިންޑިއާ] ވާހަކަ މިސާލަކަށް. އަޅުގަނޑު ހަމަ ޔަގީނުން ވެސް ގަބޫލެއް ނުކުރާނަން ވަކި ގައުމަކުން އެއްޗެއް ގަތް ކަމަކަށް. ގަންނަން އުޅޭނެ ކަމަކަށް ވެސް,"

ދުވަހުގެ ފޮޓޯ

ދިވެހި ޕްރިމިއާ ލީގުގައި ރޭ އީގަލްސް އާއި ވެލެންސިއާ ކުޅުނު މެޗްގެ ތެރެއިން. -- ފޮޓޯ: އަބްދުﷲ އިޔާން