26 އޭޕްރީލް 2023 - 11:26 0
26 އޭޕްރީލް 2023 - 11:26 0
އިންސްޓަގްރަމް އަދި ޓިކްޓޮކްގައި މަގުބޫލުކަން ހޯދާފައިވާ އަށް ސޯޝަލް މީޑިއާ އިންފުލެއެންސަރުންނާ އެކު ކުރިއަށްގެންދިޔަ "ޒީރޯ ޗެލެންޖު" ގެ ބްލައިޑް ޓޭސްޓް ޓެސްޓަށް ބޮޑު ޝައުގުވެރިކަމެއް ލިބިފައިވާ ކަމަށް ކޮކާކޯލާ މޯލްޑިވްސް އިން ހާމަކޮށްފި އެވެ.
މި ހަރަކާތުގެ ތެރެއިން، ކޮކާކޯލާގެ ތިން އުފެއްދުމެއްގެ ތެރެއިން ކޯކް ޒީރޯ އަކީ ކޮބައިކަން ދެނެގަތުމުގެ މަސައްކަތް އިންފްލުއެންސަރުންނާ ހަވާލުކުރި އެވެ. އޭގެ ތެރޭގައި ހިމެނެނީ ކޮކާކޯލާ އޮރިޖިނަލް ޓޭސްޓް، ކޮކާކޯލާ ޒީރޯ ޝުގާ އަދި ޑައިޓް ކޯކް އެވެ.
މި ހަރަކާތަކީ ކޯކް ޒީރޯގެ މީރު ރަހަ ދައްކާލުމުގެ އިތުރަށް، "މިއީ އެންމެ ރަނގަޅު ކޯކް ހެއްޔެވެ؟" މި ސުވާލު ހިތާއި ހިތާ ކޮށްލަން ފުރުސަތު ދިނުމަށް އިންތިޒާމްކުރި ހަރަކާތެއް ކަމަށް އެ ކުންފުނިން ބުނެ އެވެ. ހަމައެއާއެކު، ރާއްޖޭގައި ލިބެން ހުރި ކޮކާކޯލާގެ ތަފާތު ބާވަތްތަކަށް ހޭލުންތެރިކަން އިތުރުކުރުމަކީ ވެސް މި ހަރަކާތުގެ ބޭނުމެކެވެ.
އުފެއްދުންތައް އިޝްތިހާރު ކުރުމަށް އިންފްލުއެންސަ މާކެޓިން އަދި ކަސްޓަމަރުންގެ ބައިވެރިވުމާ އެކު ހިންގޭ ހަރަކާތްތަކުގެ ބޭނުން ހިފައިގެން ކުރިއަށް ގެންދިއުމަކީ އެ ކުންފުނީގެ އަމާޒެއް ކަމަށް ކޮކާކޯލާ މޯލްޑިވްސް އިން ބުނެ އެވެ. މިއީ އެކަމަށް އަމާޒުކޮށް ސިލްސިލާކޮށް ރާވާފައިވާ ކަންކަމުގެ ތެރެއިން ފުރަތަމަ ހަރަކާތެވެ.
ކަސްޓަމަރުންގެ މެދުގައި ހިތްގައިމު ތަޖުރިބާތަކެއް ހޯދައިދިނުމާއި, އެ ކުންފުނީގެ އުފެއްދުންތައް ދައްކާލުމުގެ އިތުރުން، ބެލުންތެރިންނާ ބަދަހި ގުޅުމެއް އުފައްދަން ކޮކާކޯލާ މޯލްޑިވްސްއިން ދަނީ މަސައްކަތް ކުރަމުންނެވެ. އެ ކުންފުނީގެ ހިތްގައިމު ޕްރޮމޯޝަންތަކުގެ އެންމެ ފަހުގެ މައުލޫމާތު އެ ކުންފުނީގެ އިންސްޓަގްރަމް އާއި ފޭސްބުކް ޕޭޖުން ފެންނާނެ އެވެ.
ދުނިޔޭގެ އެންމެ މަގުބޫލް އަދި ގިނަ ބައެއްގެ ލޯބި ލިބިފައިވާ އެއް ބްރޭންޑް ކަމަށްވާ ކޮކާކޯލާ އިން ދުނިޔޭގެ އެކި ކަންކޮޅުތަކުގައި އެތައް ބަޔަކަށް ހިތްހަމަޖެހުމާއި އުފާވެރިކަން ގެނެސްދޭތާ 135 އަހަރު ވަނީ ވެފަ އެވެ.
ރާއްޖޭގައި ކޮކާކޯލާގެ އުފެއްދުންތައް ބަންދުކުރާ ޕާޓްނަރު ކަމަށްވާ މާލޭ އެރޭޓެޑް ވޯޓާ ކޮމްޕެނީ ޕްރައިވެޓް ލިމިޓެޑް މެދުވެރިކޮށް ދަ ކޮކާކޯލާ ކޮމްޕެނީ އިން ވަނީ ކަރުހިއްކުން ފިލުވާލަދޭ އަދި ރަހަމީރު ތަފާތު ބުއިންތައް ރާއްޖޭގެ މާކެޓަށް ތައާރަފްކޮށްފަ އެވެ.
Comment