އއ. ރަސްދޫގައި ހުންނަ ބޭންކް އޮފް މޯލިވްސް (ބީއެލްއެމް) ބްރާންޗްގެ އާ އިމާރާތް, ސެލްފް ސާވިސް ބޭންކިންގެ ހިދުމަތް ވެސް ލިބޭ އޭޓީއެމަކާ އެކީ ހުޅުވައިފި އެވެ.

ބީއެމްއެލް އިން މައުލޫމާތުދޭ ގޮތުގައި ރަސްދޫ ބްރާންޗްގެ އޭޓީއެމްގެ ހިދުމަތާ އެކީ މިހާރު އއ. އަތޮޅުގެ ޖުމްލަ ހަތަރު ރަށެއްގައި ސެލްފް ސާވިސް ބޭންކިންގެ ހިދުމަތް އަންނަނީ ދެމުންނެވެ.

ބީއެމްއެލްގެ ހިދުމަތް މުޅި ރާއްޖެއަށް ފުޅާކުރުމަށް ކުރަމުން އަންނަ މަސައްކަތުގެ ތެރެއިން 20 އަތޮޅުގައި 35 ބްރާންޗާއި 84 ސެލްފް ސާވިސް އޭޓީއެމާއި، 142 އޭޓީއެމާއި 200 އަށް ވުރެ ގިނަ ކޭޝް އޭޖެންޓުން މިހާރު ހުރިކަމަަށް ބީއެމްއެލްއިން މައުލޫމާތުދެ އެވެ.