ނ. މާޅެންދޫގެ ސިއްހީ މަރުކަޒުގެ އާ އިމާރާތާއެކު ވަށާ ފާރެއް ރޭނުމަށް ހަތަރު މިލިއަން ރުފިޔާއަށް ބަޔަކާ ހަވާލުކޮށްފި އެވެ.

ހެލްތް މިނިސްޓްރީގައި މިއަދު ބޭއްވި ރަސްމިއްޔާތެއްގައި އެކްސްޓެންޝަން އިމާރާތުގެ މަސައްކަތް ހަވާލުކޮށްފައިވަނީ ކްލޭއެލް. އެލް.ޕީ ނަމަކަށް ކިޔާ ކުންފުންޏަކާ އެވެ.

ހަތަރު މިލިއަން ހަ ލައްކަ ފަންސާސް ފަސްހާސް ތިންސަތޭކަ ފަންސަވީސް ރުފިޔާ އަށް މި މަސައްކަތް ހަވާލުކޮށްފައިވަނީ 150 ދުވަހުގެ ތެރޭގައި ނިންމާ ގޮތަށެވެ.

މިދިޔަ ހަފްތާގައި ބޭއްވި ހަފްލާއެއްގައި ވާހަކަ ދައްކަވަމުން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެފައި ވަނީ އަންނަ އަހަރު އެންމެ ބޮޑު އިސްކަމެއް ދެއްވާނީ ރާއްޖޭގެ ސިއްހީ ދާއިރާ ތަރައްގީ ކުރުމަށް ކަމަށެވެ.