މަހުލޫފް މަގާމުން ވަކިނުކޮށް ސަރުކާރުގެ ބަހާއި އަމަލު ދިމާ ނުވި!

ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާ ޔޫތު މިނިސްޓަރު މަހުލޫފް. މަހުލޫފްގެ މައްޗަށް ހިޔާނާތުގެ މައްސަލައިގައި ދައުވާކުރިތާ ފަސް ދުވަސް ފާއިތުވިއިރު ވެސް ސަރުކާރުން އެކަމަށް ވަކި އެއްޗެއް ބުނެފައެއް ނުވޭ.

ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާ ޔޫތު މިނިސްޓަރު މަހުލޫފް. މަހުލޫފްގެ މައްޗަށް ހިޔާނާތުގެ މައްސަލައިގައި ދައުވާކުރިތާ ފަސް ދުވަސް ފާއިތުވިއިރު ވެސް ސަރުކާރުން އެކަމަށް ވަކި އެއްޗެއް ބުނެފައެއް ނުވޭ.

އެމްއެމްޕީއާރުސީގެ ހިޔާނާތުގެ ތުހުމަތު ކުރެވޭ ފަރާތްތަކުގެ ތެރެއިން މަގާމެއްގައި ހުރި މީހަކަށް ދައުވާކުރާ ހިސާބުން ވަކިކުރާނެ ކަމަށް ކުރިން ބުނެފައި އޮތަސް، ޔޫތު މިނިސްޓަރު އަހުމަދު މަހުލޫފުގެ މައްޗަށް ދައުވާ އުފުލިތާ ފަސް ދުވަސް ފާއިތުވެ ދިޔަ އިރުވެސް ނިންމާފައިވާ ގޮތެއް ވެސް، މައްސަލައާ ގުޅޭ ގޮތުން ބަހެއް ވެސް ސަރުކާރުން ނުބުނެ އެވެ.

ބޮޑު ހިޔާނާތުގެ މައްސަލާގައި ޔޫތު މިނިސްޓަރު އަހުމަދު މަހުލޫފްގެ މައްޗަށް އުފުލާފައި ވަނީ ރިޝްވަތު ހިފުމުގެ ދައުވާ އެވެ.

ބުދަ ދުވަހު ޕްރޮސިކިއުޓާ ޖެނަރަލްގެ އޮފީހުން އެ ދައުވާ ކުރުމާ ގުޅިގެން، މަހުލޫފުގެ މިނިސްޓަރުކަމުގެ މަގާމާމެދު ވަކި ގޮތެއް ނިންމާފައިވޭތޯ ތަކުރާރުކޮށް ސުވާލުކުރުމުން ވެސް ރައީސް އޮފީހުން ޖަވާބެއް ނުދިނެވެ.

Advertisement

އެމްއެމްޕީއާރްސީގެ ހިޔާނާތުގެ ލިސްޓުގައި ހިމެނޭ ދައުލަތުގެ އިސް މަގާމުތަކުގައި ތިއްބެވި ބޭފުޅުންގެ މައްސަލަ ކޯޓަށް ފޮނުވާ ހިސާބުން މަގާމުން ވަކިކުރަން ރައީސް އިބްރާހިމް މުހައްމަދު ސޯލިހް ނިންމަވާފައިވާ ކަމަށް ރައީސް އޮފީހުގެ ތަރުޖަމާނު މުހައްމަދު މަބްރޫކް އަޒީޒު ވިދާޅުވެފައިވެ އެވެ.

މަބްރޫކު މެއި މަހު "އަވަސް"އަށް ދެއްވި އިންޓަވިއުއެއްގައި ވިދާޅުވެފައި ވަނީ ހިޔާނާތުގެ ތުހުމަތުވާ ފަރާތްތަކުގެ ތެރެއިން މަގާމުތަކުގައި ތިއްބެވި ބޭފުޅުންނަށް އަޅާނެ ފިޔަވަޅުތައް ނިންމާފައިވާ ކަމަށެވެ.

އެމްއެމްޕީއާރުސީގެ ހިޔާނާތުގެ މައްސަލައެއްގައި ތަހުގީގުކޮށް ދައުވާ ކުރުމާއެކު އެ ބޭފުޅަކާ މެދު ފިޔަވަޅު އަޅުއްވާނެ ކަމަށާއި "ކޯޓު މަރުހަލާ ނިމެންދެން މަޑެއް ނުކުރައްވާނެ" ކަމަށް މަބުރޫކު ވިދާޅުވެފައިވެ އެވެ.

އެ މޭރުމުން ރައީސް އިބްރާހިމް މުހައްމަދު ސޯލިހު ވެސް ވާހަކަ ދައްކާފައިވެ އެވެ.

ކޮރަޕްޝަންގެ މައްސަލަތަކުގައި ޒީރޯ ޓޮލަރެންސްގެ ސިޔާސަތެއް ގެންގުޅުއްވުމަކީ، އެ މަނިކުފާނު ވެރިކަމަށް ވަޑައިގަތުމުގެ ކުރިން ވެވަޑައިގަތް ވައުދެކެވެ. ނަމަވެސް, އެމްއެމްޕީއާރުސީގެ ލިސްޓުގައި އޮތް ހަމައެކަނި މިނިސްޓަރާމެދު އަދި ފިޔަވަޅެއް ނާޅަ އެވެ.

މަހުލޫފްގެ މައްޗަށް ދައުވާކުރީ ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރުކަމުގައި ހުންނަވައި ސްޕެޝަލް އިކޮނޮމިކް ޒޯން ބިލަށް ތާއީދުކޮށް ވޯޓުދިނުމުގެ މުގާބިލުގައި، ދިން 33،000 ޑޮލަރު ހިފާފައިވާތީ އެވެ. އެ ފައިސާ ދޫކޮށްފައި ވަނީ އެސްއޯއެފްގެ ނަމުގައި ބޭންކް އޮފް މޯލްޑިވްސްގައި ހުޅުވާފައިވާ އެކައުންޓުގެ ޗެކަކުންނެވެ.

ދައުވާ އުފުލުމާއެކު މަހުލޫފް ވަނީ، މަހުލޫފްގެ ޕީއޭ އަޒުމޫން އަހުމަދާއި ޕީޖީ ޝަމީމާ ދެމެދު މިދިޔަ ސާފް ޗެމްޕިއަންޝިޕް މުބާރާތުގެ ދުވަސްވަރު ދެކެވުނު ވާހަކަތަކެއްގެ ޗެޓްލޮކް އާންމުކުރުމަށް ފަހު، ބުނެފައިވަނީ އޭނާގެ މައްޗަށް ދައުވާކުރީ ޒާތީ ކަމެއްގެ ގޮތުގައި ދެކެވަޑައިގަންނަވާ ކަމަށެވެ.

މަހުލޫފް ވެސް ކުރިން ވިދާޅުވެފައިވަނީ އޭނާގެ މައްޗަށް ދައުވާ އުފުލާ ހިސާބުން މިނިސްޓަރުކަމުން އިސްތިއުފާ ދެއްވާނެ ކަމަށެވެ. ނަމަވެސް، ފަހުން އޭނާ ވަނީ އެ މައްސަލައިގައި ކަންކަން ހިނގާ ގޮތާއި ދޭތެރޭ ހިތްހަމަނުޖެހިވަޑައިގެން، މައްސަލައިގައި ޒާތީ ގޮތުން ކަންކަން ކުރައްވާ ކަމަށް ތުހުމަތުކުރައްވައި މަގާމުން އިސްތިއުފާ ނުދެއްވާނެކަމަށް ވިދާޅުވެފަ އެވެ.

މަހުލޫފްގެ މައްޗަށް ކުރާ ތުހުމަތުތަކާއި ގުޅިގެން ރައީސް ވަނީ މީގެ ކުރިން މަހުލޫފް ސަސްޕެންޑް ވެސް ކޮށްފަ އެވެ. އެހެންނަމަވެސް މައްސަލައިގައި ގޮތެއް ނުނިމި ދިގުދެމިގެންދާތީ ސާފް ޗެމްޕިއަންޝިޕާ ދިމާކޮށް އޭނާގެ ސަސްޕެންޝަން ރައީސް އޮފީހުން ވަނީ އުވާލާފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox