ކޮވިޑަށް ޕޮޒިޓިވް: މުލަކޭ، ޔާން، އީސަ އަދި ހަންނަގެ ނަސީބު ދެރަ!

ކޮވިޑަށް ޕޮޒިޓިވްވެގެން ގައުމީ ޓީމުން ފުރުސަތު ގެއްލުނު ކުޅުންތެރިން: (ކ.ވ) މުލަކޭ، ހަންނަ، ޔާން އަދި އީސަ.-- އަދަދު ގްރެފިކްސް: އަބްދުﷲ ޝަފީއު (އަބޯ)

ކޮވިޑަށް ޕޮޒިޓިވްވެގެން ގައުމީ ޓީމުން ފުރުސަތު ގެއްލުނު ކުޅުންތެރިން: (ކ.ވ) މުލަކޭ، ހަންނަ، ޔާން އަދި އީސަ.-- އަދަދު ގްރެފިކްސް: އަބްދުﷲ ޝަފީއު (އަބޯ)

މި މަހު 30 އިން އަންނަ މަހުގެ 15 އަށް ވޯލްޑް ކަޕް/ އޭޝިއަން ކަޕް ކޮލިފައިން އަށް ނެގި ގައުމީ ފުޓްބޯޅަ ޓީމުގެ ޕްރިލިމިނަރީ 33 ކުޅުންތެރިންގެ ސްކޮޑުން ޖާގަ ލިބުނު ބައެއް ކުޅުންތެރިން ކޮވިޑް-19 އަށް ޕޮޒިޓިވްވުމުން ގައުމީ ކޯޗު މާޓިން ކޫޕްމަން ވަނީ މީގެ ކުރިން ކަންބޮޑުވުން ފާޅުކޮށްފަ އެވެ. އެއީ އޭގެ ތެރޭގައި މި ވަގުތު ލީގުގައި ރަނގަޅަށް ކުޅެމުން އަންނަ މުހިއްމު ކުޅުންތެރިން ވެސް ހިމެނޭތީ އެވެ.

ކޮލިފައިންގައި ގައުމީ ޓީމަށް ދެން އޮތީ ތިން މެޗެވެ. އެއީ އަންނަ މަހުގެ ތިން ވަނަ ދުވަހު ޗައިނާއާ ދެކޮޅަށް ކުޅޭ މެޗާއި ހަތް ވަނަ ދުވަހު ސީރިއާއާ ދެކޮޅަށް ކުޅޭ މެޗުގެ އިތުރުން 15 ވަނަ ދުވަހު ފިލިޕީންސާ ބައްދަލުކުރާ މެޗެވެ.

ސްކޮޑުގައި ހިމެނުމަށް ފަހު ޕޮޒިޓިވްވެގެން ޓީމުގައި ބައިވެރިނުވެވުނު ކުޅުންތެރިންނަކީ ޔުނައިޓެޑް ވިކްޓްރީގެ އިސްމާއިލް އީސަ (މެސީ)، ދަ ގްރާންޑޭ ސްޕޯޓްސް ކްލަބްގެ ޔަޝްފާދު ހަބީބު (މުލަކޭ)، ކްލަބް އީގަލްސްގެ ހަަސަން ރާއިފް އަހުމަދު (ހަންނަ) އަދި ގްރީން ސްޓްރީޓްސްގެ އަބްދުﷲ ޔާމީން (ޔާން) އެވެ.

މީގެ ތެރެއިން އީސަ ޕޮޒިޓިވްވީ އަމިއްލަ ރަށް ކަމަށްވާ ރ. ދުވާފަރު ހޯމް ކަރަންޓީނުގައި ހުއްޓަ އެވެ. މުލަކޭ އާއި ޔާން ޕޮޒިޓިވްވީ މި މަހު 13 ވަނަ ދުވަހު ގައުމީ ޓީމު ހޮޓެލް ޖެން އަށް ކޭމްޕްކުރަން ވަނުމުގެ ކުރިން ކުރި ޓެސްޓްތަކުގަ އެވެ. އަދި ހަންނަ ޕޮޒިޓިވްވީ ޓީމާ އެކު ކޭމްޕްކުރި ފަހުން ކުރި ޓެސްޓްތަކެއްގަ އެވެ. އެ ފަހުން ގިނަ ކުޅުންތެރިންތަކެއް އެކި ފަހަރު މަތިން ޕީސީއާރް ޓެސްޓްތަކެއް ކުރި ނަމަވެސް އިތުރު ޕޮޒިޓިވް ކޭހެއް ނުފެނެ އެވެ.

އީސަ، މުލަކޭ، ހަންނަ އަދި ޔާން އަކީ ލީގުގައި ފަަހަކަށް އައިސް ވަރަށް ރަނގަޅު ކުޅުމެއް ދައްކަމުން އައި ކުޅުންތެރިންތަކެކެވެ. ގިނަ މެޗުތަކެއްގައި މޮޅު ކުޅުންތެރިޔާގެ މަގާމު ވެސް ވަނީ ހޯދައިފަ އެވެ. އަދި ޓީމު މޮޅުކޮށްދޭން ތަފާތު ދެއްކި އެވެ.

އީސަ (32 އަހަރު) - 13 މެޗުން ހަތް ގޯލާއި އަށް އެސިސްޓް

ޔާން (20 އަހަރު) - 13 މެޗުން ތިން ގޯލާއި އެއް އެސިސްޓް

ހަންނަ (23 އަހަރު) - 14 މެޗުން ހަތަރު ގޯލާއި ތިން އެސިސްޓް

މުލަކޭ (28 އަހަރު) - 14 މެޗުން ހަތަރު ގޯލާއި ތިން އެސިސްޓް

މި ހަތަރު ކުޅުންތެރިން ނެތުމުން ކޯޗު ކޫޕްމަންގެ ޕްލޭނަށް ބަދަލުތަކެއް ގެންނަން ޖެހުނު ކަން ވެސް އެނގިފައިވެ އެވެ. ކޫޕްމަން ވެސް ވަނީ ހާލަތުގެ ސަބަބުން ފުރުސަތު ގެއްލޭ ކުޅުންތެރިން ނެތްތަން ފޫބައްދަން އިތުރު ކުޅުންތެރިން ޓީމުގައި ހިމަނަން ބުރަވ މަސައްކަތްތަކެއް ޓީމުގެ އޮފިޝަލުން ކުރަން ޖެހުނު ކަމަށް ބުނެފަ އެވެ.

ކޮވިޑް ޖެހުމަށް ފަހު ރަނގަޅުވެގެން ގައުމީ ޓީމާ ގުޅުނު ކުޅުންތެރިންނަކީ މާޒިޔާގެ ހަމްޒާ މުހައްމަދު (ހަމްޕު) އާއި ހުސެއިން ނިހާން (ނިހާޓް) އެވެ. އެ ކުޅުންތެރިންނާ ކޮވިޑް ޖެހުނީ މި މަހުގެ ކުރީކޮޅުގަ އެވެ. ވަގުތު އޮއްވައި އެ ދެ ކުޅުންތެރިން ރަނގަޅުވުމަކީ ކޯޗަށް ލިބުނު ހިތްހަމަޖެހުމެކެވެ.

ގައުމީ ސްކޮޑުގައި ހިމެނުމަށް ފަހު އަމިއްލަ ސަބަބުތަކާ ހުރެ ވެސް ބައެއް ކުޅުންތެރިންނަށް ޓީމާ ވަކިވާން ޖެހުނެވެ. އެއީ އާއިލީ ޒިންމާ އަދާކުރުމުގެ ގޮތުން އެހެން ނޫނީ އަމިއްލަ ސަބަބުތަކެއް ހުރުމުންނެވެ.

މާޒިޔާގެ ދެ ކުޅުންތެރިން ކަމަށްވާ އިބްރާހިމް ވަހީދު ހަސަން (އިއްބެ) އާއި ނާއިޒު ހަސަން (ދާދު) ގައުމީ ޓީމުން ވަކިވީ ލީގުގައި ރަނގަޅަށް ނުކުޅެވޭތީ އެވެ. އަދި ރަނގަޅަށް ނުކުޅެ ގައުމީ ޓީމަށް އެރުމަކީ އިންސާފުވެރި ގޮތެއް ނޫން ކަމަށާއި މީގެ އެންމެ މުހިއްމު ކަމަކީ ރަނގަޅަށް ކުޅޭ ކުޅުންތެރިންނަށް ފުރުސަތު ދިނުން ކަމަށް އެ ދެ ކުޅުންތެރިން ގަބޫލުކުރެ އެވެ.

ޔުނައިޓެޑް ވިކްޓްރީގެ ކެޕްޓަން މުހައްމަދު އާރިފް (ބަކާ) އާއި ޓީސީގެ މިޑްފީލްޑަރު އަހުމަދު ރިލްވާން (ބެން) އަށް ގައުމީ ޓީމާ އެކު ނުދެވުނީ އާއިލީ ޒިންމާ އަދާކުރުމުގެ ގޮތުންނެވެ. ކުރަންޖެހޭ މުހިއްމު ކަންތައްތަކެއް މި ވަގުތު ހުރުމުން ދިގު މުއްދަތަކަށް ޓީމާ އެކު ދެވެން ނެތުމުން އެ ދެ ކުޅުންތެރިން ވަނީ ކޯޗަށް ވެސް އެކަން އަންގައިފަ އެވެ.

ދުބާއީ އަށް ފުރަން ދިއުމުގެ ކުރިން ގައުމީ ޓީމުގެ ކުޅުންތެރިންނާއި އޮފިޝަލުން ފޮޓޯ އަކަށް ހުއްޓިގެން.-- ފޮޓޯ: އިބްރާހިމް ފާއިދު/ އެފްއޭއެމް

ގައުމީ ޓީމުން މިއަދު ހެނދުނު ދުބާއީ އަށް ޓްރެއިނިން ކޭމްޕަކަށް ފުރީ 23 ކުޅުންތެރިންނާ އެކު އެވެ. ސްކޮޑުގައި ހިމެނުނު ދެ ކުޅުންތެރިއެއްގެ ބައެއް ކަންތައްތައް ހަމަނުޖެހޭތީ ޓީމާ ގުޅޭނީ ފަހުންނެވެ. ޗައިނާ އަށް ދާނީ އަންނަ ހަފްތާގަ އެވެ.

ކޮލިފައިން އަށް ނެގި ފައިނަލް ސްކޮޑު:

ގޯލްކީޕަރުން: މުހައްމަދު ފައިސަލް (ވެލެންސިއާ)، މުހައްމަދު ޝަފީއު - ޗެކް (ވެލެންސިއާ)، އަލީ ނާޖިހު - ނާޖީ (ޔުނައިޓެޑް ވިކްޓްރީ)، ހުސެއިން ޝަރީފް - ހުސެން (މާޒިޔާ)

ޑިފެންޑަރުން: ސަމޫހު އަލީ - ސަމުއްޓެ (މާޒިޔާ)، އަކުރަމް އަބްދުލް ގަނީ - އަކޫ (ވެލެންސިއާ)، އަހުމަދު ނޫމާން - ހެލްމެޓް (އީގަލްސް)، ހުސެއިން ސިފާއު - ކުރޯ (އީގަލްސް)، ހައިޝަމް ހަސަން (އީގަލްސް)، މުހައްމަދު ސާއިފް (ގްރީން ސްޓްރީޓްސް)، އަލީ ޝަމާލް އަބްދުﷲ - ޝައްމު (ޔުނައިޓެޑް ވިކްޓްރީ)، އަލީ ޝާމިސް - ތޮއްޕޭ (ޓީސީ ސްޕޯޓްސް ކްލަބް)

މިޑްފީލްޑަރުން: އިމްރާން ނަޝީދު - އިންމަ (އީގަލްސް)، މުހައްމަދު އިރުފާން - އިރޭ (މާޒިޔާ)، އިބްރާހިމް އައިޝަމް (މާޒިޔާ)، މުހައްމަދު އުމެއިރު (މާޒިޔާ)، ހުސެއިން ނިހާން - ނިހާޓް (މާޒިޔާ)، ހަމްޒާ މުހައްމަދު - ހަމްޕު (މާޒިޔާ)، އަލީ ފާސިރު - ސެންޓޭ (ވެލެންސިއާ)، މުހައްމަދު ނާއިމް (އީގަލްސް)

ފޯވާޑުން: އަލީ އަޝްފާގު - ދަގަނޑޭ (ވެލެންސިއާ)، އަސަދުﷲ އަބްދުﷲ - އަަސަކޮ (މާޒިޔާ)، އިބްރާހިމް މަހުދީ - ފޭދޫ އިއްބެ (މާޒިޔާ)، އަލީ ހައިޝަމް - ޗުމްޕު (ޔުނައިޓެޑް ވިކްޓްރީ)، ހަސަން ނަޒީމް - ޗޯޓު (ގްރީން ސްޓްރީޓްސް)

ކޮމެންޓް

ފަހުގެ ޚަބަރު

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

ޕާކިސްތާނުން ފައިނަލަށް ދިޔައީ ޕްލޭން ކާމިޔާބުކޮށްގެން

ސާފް ޗެމްޕިއަންޝިޕްގެ ސެމީ ފައިނަލުގައި 1-0 އިން ބަންގްލަދޭޝް ބަލިކޮށް، ޕާކިސްތާނުން ފުރަތަމަ ފަހަރަށް މުބާރާތުގެ ފައިނަލަށް ދަތުރުކޮށްފި. ބަންގްލަދޭޝްގެ ކޯޗު ތޯމަސް ޑޫލޭ ބުނިގޮތުގައި ޕާކިސްތާނުން މި މެޗު ކާމިޔާބުކުރީ އެމީހުންގެ ކުޅުން ދިރާސާކޮށް، ވަރަށް ރަނގަޅު ޕްލޭނަކާއެކު ތައްޔާރުވެގެން އައިސްގެން. ފައިނަލުގައި ކުޅޭނީ ޕާކިސްތާނާއި އިންޑިއާ

ބްރެޒިލް ބަލިވި މެޗުގައި އަންޗެލޮޓީ އާއި ރަފީނިއާ އަށް ރަތެއް

ބައިނަލްއަގުވާމީ އެކުވެރިކަމުގެ މެޗެއްގައި 3-2 އިން ޖަޕާން އަތުން ބްރެޒިލް ބަލިވިއިރު، ރެފްރީގެ ނިންމުންތަކާ ހިތްހަމަނުޖެހުން ފާޅުކުރުމުން ބްރެޒިލްގެ ކޯޗު އަންޗެލޮޓީ އާއި ކެޕްޓަން ރަފީނިއާ އަށް ރަތް ކާޑު ދައްކައިފި. ޖަޕާނުން މެޗުގެ ކުރީކޮޅު ދެ ލަނޑުގެ ލީޑެއް ނަގާފައިވަނިކޮށް ވިނީޝިއުސް ދެ ލަނޑު ޖަހައި މެޗު އެއްވަރުކުރި،

ރޮނާލްޑޯ ރިޓަޔާކުރި ފަހުން ޕޯޗުގަލް ކުޅުނު ފުރަތަމަ މެޗުން ބަލި

ކްރިސްޓިއާނޯ ރޮނާލްޑޯ ގައުމީ ޓީމުން ރިޓަޔާކުރި ފަހުން ޕޯޗުގަލް ކުޅުނު ފުރަތަމަ މެޗުގައި، ނޭޝަންސް ލީގުގައި ރޭ ޑެންމާކް އަތުން 4-1 އިން އެ ޓީމު ވަނީ ބަލިވެފައި. ރޮނާލްޑޯގެ ޝަރަފުގައި ހުރިހާ ކުޅުންތެރިން ހަތް ނަމްބަރު ޖޯޒީގައި ކުޅުނު މި މެޗުން ބަލިވި ނަމަވެސް، ޕޯޗުގަލް ވަނީ މުބާރާތުގެ ކުއާޓާ ފައިނަލުން ޖާގަ ހޯދާފައި

ކޮޅުނބު ފުޓްސަލް ކަޕްގައި މި ފަހަރު 16 ޓީމު

ސްރީ ލަންކާގެ ކޮލަމްބޯގައި 16 ޓީމާއެކު "ކޮޅުނބު ފުޓްސަލް ކަޕް" ފަށާފައިވާއިރު، މުބާރާތުގެ ގްރޫޕް ސްޓޭޖުގެ ގިނަ މެޗުތަކެއް ކުޅެ ބައެއް ޓީމުތަކުން މިހާރު ވަނީ ކުއާޓާ ފައިނަލުގެ ޖާގަތައް ކަށަވަރުކޮށްފައި. އެމްއީސީސީން އިންތިޒާމުކުރާ މި މުބާރާތުގެ އެންމެ ފަހުގެ ޗެމްޕިއަން ޖޭޖޭ ސްޕޯޓްސް ކްލަބް ވެސް ވަނީ ކުއާޓާ އިން ޖާގަ ހޯދާފައި

ޕާކިސްތާން ފުރަތަމަ ފަހަރަށް ސާފް ޗެމްޕިއަންޝިޕްގެ ފައިނަލަށް

މުބާރާތް ބާއްވާ ބަންގްލަދޭޝް 1-0 އިން ބަލިކޮށް، ޕާކިސްތާނުން ފުރަތަމަ ފަހަރަށް ސާފް ޗެމްޕިއަންޝިޕްގެ ފައިނަލުން ޖާގަ ހޯދައިފި. މެޗުގެ ފަހުކޮޅު އަބްދުލް އަރްޝަދު ކާމިޔާބުކުރި ލަނޑާއެކު ފައިނަލަށް ދިޔަ ޕާކިސްތާން، އަންގާރަ ދުވަހު ނުކުންނާނީ އެންމެ ފަހުގެ ޗެމްޕިއަން އިންޑިއާއާ ދެކޮޅަށް.

Newsletter

Get the latest news delivered straight to your inbox