މާބަނޑު ދުވަސްވަރު ހަނދާން ބަލިވާ ސަބަބު ސައިންސްވެރިން ހޯދައިފި

Sep 28, 2026, 6:30 AM
ފޮޓޯ: ޝަޓަރސްޓޮކް

ފޮޓޯ: ޝަޓަރސްޓޮކް

ބައެއް ފަހަރު "މޮމްނީޝިއާ"، "މޮމީ ބްރެއިން"، "ޕްރެގްނަންސީ ބްރެއިން" ނުވަތަ "ބޭބީ ބްރެއިން" ގެ ނަމުން ނަންދެވިފައިވާ ހާލަތަކީ މާބަނޑު ދުވަސްވަރު ގިނަ އަންހެނުންނަށް ކުރިމަތިވާ ހަނދާން ނެތުމާއި، ސިކުނޑި ސާފުނުވުމާއި، ވިސްނުމަށް އަންނަ ބަދަލުތަކެކެވެ. މިސާލަކަށް، އަންހެނަކު ބަދިގެއަށް ވަދެފައި އެތަނަށް ވަދެވުނު ސަބަބު ހަނދާން ނެތުމާއި، ނުވަތަ އެއްޗެހި ބެހެއްޓޭ ތަންތަން ހަނދާން ނެތުން ފަދަ ކަންކަން މީގެ ތެރޭގައި ހިމެނެ އެވެ.

ސައިންސްވެރިން ގަބޫލުކުރާ ގޮތުގައި މިއީ ބަޔޮލޮޖިކަލް ގޮތުން ހަގީގަތުގައި ވެސް ހިނގާ ކަމެކެވެ. އަދި މިހާރު ސައިންސްވެރިން ވަނީ މީގެ ސަބަބު ދެނެގަނެވިދާނެ ގޮތެއް ހޯދާފަ އެވެ. އެގޮތުން މާބަނޑު ދުވަސްވަރު ހަށިގަނޑުގައި އެސްޓްރޯޖަން ހޯމޯން މަތީ މިންވަރެއްގައި ހުންނަ އިރު، އޭގެ ސަބަބުން ސިކުނޑީގެ ވަކި ސާކިޓަކަށް ބުރޫއަރާކަން ވަނީ ދެނެގަނެވިފަ އެވެ.

މި ދިރާސާ ކުރުމަށްޓަކައި ސައިންސްވެރިން ވަނީ ލެބޯޓްރީ މީދާ ބޭނުންކޮށްގެން ތަހުލީލުތަކެއް ކޮށްފަ އެވެ. މާބަނޑު ދުވަސްވަރު އެސްޓްރޯޖަން މަތިވާ މިންވަރަށް އެ މީދާތަކުގެ ހަށިގަނޑުގައި ވެސް އެސްޓްރޯޖަން މަތިކުރުމުން، އެ މީދާތަކުގެ މިޒާޖަށް ބަދަލެއް ނައިސް، ވަގުތީ ގޮތުން ހަނދާން ބަލިވާކަން ވަނީ ފާހަގަކުރެވިފަ އެވެ.

މީދާތަކުގެ ހަށިގަނޑުން ފެނުނު މި ބަދަލުތަކުގެ އަސްލަކީ، އެސްޓްރޯޖަން މަތިވުމުގެ ސަބަބުން ސިކުނޑީގެ ދެ ބައެއްގެ ދެމެދުގައިވާ ނިއުރޯނަލް މަގަށް ކުރާ އަސަރު ކަމަށް ސައިންސްވެރިން ބުނެ އެވެ. އެއީ ސިކުނޑީގެ ކޮންޓްރޯލް ސެންޓަރުގެ ގޮތުގައި މަސައްކަތްކުރާ "ހައިޕޯތަލަމަސް" އާއި، ހަނދާންތައް އުފެއްދުމުގައި މުހިންމު ދައުރެއް އަދާކުރާ "ހިޕޯކެމްޕަސް" އެވެ.

ސައިންސްވެރިން ހޯދި ހޯދުންތަކުން އެނގުނު ގޮތުގައި، އެސްޓްރޯޖަން މަތިވުމުން ހައިޕޯތަލަމަސްގެ ނިއުރޯންތަކުގެ ހަރަކާތްތައް އިތުރުވެ އެވެ. އަދި އޭގެ ނަތީޖާއެއްގެ ގޮތުން ހިޕޯކެމްޕަސްގެ މަސައްކަތްތަކަށް ހުރަސްއެޅި، ހަނދާން ބަލިވުމަށް މެދުވެރިވެ އެވެ.

"މޮމްނީޝިއާ" ގެ އަސަރު އެންމެ ބޮޑަށް ފެންނަނީ މާބަނޑު ދުވަސްވަރުގެ ފަހުކޮޅުގަ އެވެ. އަދި ވިހެއުމަށް ފަހު ވެސް މިކަން ދެމިގެން ދިޔަ ނަމަވެސް، އާންމުކޮށް ވިހެއުމަށް ފަހު މިކަން ރަނގަޅުވެ އެވެ. މީގެ ސަބަބުން ކުރު މުއްދަތުގެ އަދި ދިގު މުއްދަތުގެ ހަނދާނަށް ވެސް އަސަރުކޮށްފާނެ އެވެ. މީގެ ތެރޭގައި ތަންތަނާއި، މީހުންނާއި، ބަސްމަގާ ގުޅޭ ހަނދާންތައް ހިމެނެ އެވެ. މިސާލަކަށް ނަންތަކާއި ބަސްތައް ހަނދާންކުރަން އުނދަގޫވުން ނުވަތަ ކުރިން އެނގޭ މައުލޫމާތުތައް ހަނދާނަށް ގެންނަން ދަތިވުން ފަދަ ކަންކަން ހިމެނެ އެވެ.

"ސައިންސް ބުލެޓިން" ޖާނަލްގައި ޝާއިއުކޮށްފައިވާ މި ދިރާސާގެ އެއް އިސްވެރިޔާ، ބޭލާ ކޮލެޖް އޮފް މެޑިސިންގެ އެންޑޯކްރިނޮލޮޖީ އަދި މޮލިކިއުލާ ބަޔޮލޮޖީގެ ޕްރޮފެސަރު ޑރ. ޒެންގް ސަން ވިދާޅުވި ގޮތުގައި، މިއީ ސީރިއަސް ނުވަތަ ސިއްހީ ގޮތުން ނުކުޅެދުންތެރިކަމެއް މެދުވެރިވާ ކަމެއް ނޫނެވެ. ނަމަވެސް މީގެ ސަބަބުން ދުވަހުން ދުވަހަށް ކުރާ މަސައްކަތްތަކަށާއި އަމިއްލަ ނަފްސަށް އޮންނަ އިތުބާރަށް އަސަރުކުރެ އެވެ.

ޑރ. ސަން އިތުރަށް ވިދާޅުވީ، ކޮޓަރިއަކަށް ވަދެވުނު ސަބަބު ހަނދާން ނެތުމާއި، އެއްޗެހި ބޭއްވޭ ތަން އޮޅުމާއި، ދައްކަމުންދާ ވާހަކައިގެ މައުޟޫއު އޮޅުން ނުވަތަ އެޕޮއިންޓްމަންޓްތައް ހަނދާންކޮށްދޭން ޖެހުމަކީ މީގެ އާންމު މިސާލުތަކެވެ. މިއީ ވަރަށް ފުޅާކޮށް ފެންނަ ކަމެކެވެ. ގާތްގަނޑަކަށް 80 އިންސައްތަ މާބަނޑު އަންހެނުންނަށް މިފަދަ ބަދަލުތައް ފާހަގަކުރެވެ އެވެ. ނަމަވެސް މި އަދަދަކީ ސައިންޓިފިކް ޓެސްޓުތަކަށް ވުރެ ބޮޑަށް، އަންހެނުންނަށް އަމިއްލައަށް ކުރެވޭ ތަޖުރިބާގެ މައްޗަށް ބިނާވެފައިވާ އަދަދެކެވެ.

މި ހޯދުންތަކުން ދައްކާ ގޮތުގައި، މި ހާލަތަކީ އިންސާނާގެ ވިސްނުމުގެ ގާބިލުކަން ދަށްވެގެންދާ ދިއުމެއް ނޫނެވެ.

ފަހުގެ ޚަބަރު

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

Newsletter

Get the latest news delivered straight to your inbox