ނޫސްވެރިންގެ ދިފާއުގައި ނުކުތް ބައެއް މީހުން ހައްޔަރުކޮށް، ނޫސްވެރިންނަށް ހުރަސްއަޅައިފި

May 14, 2026, 8:01 AM
ރައީސް މުހައްމަދު މުއިއްޒުއާ ސުވާލެއް ކޮށްގެން ޖަލަށް ލާފައިވާ ނޫސްވެރިޔާ ޝަހުޒާން އާއި އައިޝާ ޑޮކިއުމެންްޓަރީއާ ގުޅޭ ވާހަކަތައް ނުފެތުރުމަށް ނެރުނު އަމުރާ ގުޅޭ ހަބަރެއް ލިޔުނު ނޫސްވެރިޔާ ލީވާން ޖަލަށް ލާފައިވާތީ އެ މީހުން މިނިވަން ކުރަން ގޮވާލައި ރޭ މާލޭގައި ކުރި މުޒާހަރާގެ ބައިވެރިން.

ރައީސް މުހައްމަދު މުއިއްޒުއާ ސުވާލެއް ކޮށްގެން ޖަލަށް ލާފައިވާ ނޫސްވެރިޔާ ޝަހުޒާން އާއި އައިޝާ ޑޮކިއުމެންްޓަރީއާ ގުޅޭ ވާހަކަތައް ނުފެތުރުމަށް ނެރުނު އަމުރާ ގުޅޭ ހަބަރެއް ލިޔުނު ނޫސްވެރިޔާ ލީވާން ޖަލަށް ލާފައިވާތީ އެ މީހުން މިނިވަން ކުރަން ގޮވާލައި ރޭ މާލޭގައި ކުރި މުޒާހަރާގެ ބައިވެރިން.

ހައްޔަރުކޮށްފައިވާ ނޫސްވެރިން މިނިވަން ކުރުމަށާއި ނޫސްވެރިކަމުގެ ދިފާއުގައި ރޭ މާލޭގައި ބޭއްވި މުޒާހަރާގެ ތެރެއިން ފުލުހުން ބާރުގެ ބޭނުންކޮށް ބައެއް މީހުން ހައްޔަރުކޮށްފި އެވެ.

ރޭގެ މުޒާހަރާގައި ކުރީގެ ރައީސް މުހައްމަދު ނަޝީދު ވެސް ބައިވެރިވެވަޑައިގަތެވެ. ގާތްގަނޑަކަށް 10 އަހަރުގެ މެދުކެނޑުމަކަށްފަހު ނަޝީދު މަގުމަތީގެ އިހުތިޖާޖަކަށް ނުކުންނެވީ، ރައީސުލްޖުމްހޫރިއްޔާ ޑރ. މުހައްމަދު މުއިއްޒާ ސުވާލުކުރި އަދަދު ނޫހުގެ ނޫސްވެރިޔާ މުހައްމަދު ޝަހުޒާން އާއި އައިޝާ ޑޮކިއުމެންޓަރީ އެއްވެސް ގޮތަކަށް ފެތުރިގެން ދިޔުން މަނާކުރުމަށް ނެރުނު އަނގަބަންދުކުރުމުގެ އަމުރުގެ ހަބަރު އަދަދު ނޫހުގައި ލިޔުނު ނޫސްވެރިޔާ ލީވާން އަލީ ނަސީރު ޖަލަށްލުމާ ގުޅިގެން އެ ނޫސްވެރިން މިނިވަންކުރުމަށް ގޮވާލުމަށެވެ.

ކޯޓުގެ ހުރުމަތް ކެނޑިކަމަށް ބުނެ މި މަހުގެ 12 ވަނަ ދުވަހު ކްރިމިނަލް ކޯޓުން ލީވާން 10 ދުވަހަށް އަދި ޝަހުޒާން 15 ދުވަހަށް ޖަލަށްލުމަށް ހުކުމްކޮށް، މި ދެ ނޫސްވެރިން ވަނީ މާފުށީ ޖަލަށް ލައިފަ އެވެ. 

ނޫސްވެރިން މިނިވަންކުރަން ގޮވާލާ މުޒާހަރާ ފެށުނީ މަޖީދީ މަގާއި ޗާންދަނީ މަގު ގުޅޭ ހަތަރު އަނގޮޅިންނެވެ. ނަޝީދުގެ އިތުރުން ރޭގެ މުޒާހަރާގައި ނޫސްވެރިންނާއި ހައްޔަރުކޮށްފައިވާ ނޫސްވެރިން ކަމަށްވާ މުހައްމަދު ޝަހުޒާން އާއި ލީވާންގެ އާއިލާގެ މެންބަރުންނާއި އެމްޑީޕީ އަދި ޕީއެންއެފްގެ ބައެއް މެންބަރުން ބައިވެރިވި އެވެ. 

މުޒާހަރާގެ ބައިވެރިން މަޖީދީ މަގުން ހިނގަމުން ދިޔައިރު، މިދިޔަ ހޯމަ ދުވަހު ބޭއްވި ރަސްމީ ޕްރެސް ކޮންފަރެންސްގައި އަދަދު ނޫހުގެ ނޫސްވެރިޔާ ޝަހުޒާން، ރައީސް މުއިއްޒުއާ ކުރި ސުވާލު ތަކުރާރުކޮށް ގޮވަމުން ދިޔައެވެ.

އާޓިފިޝަލް ބީޗު ސަރަހައްދުގައި މުޒާހަރާގެ ބައިވެރިންނާ މުހާތަބު ކުރައްވަމުން ރައީސް ނަޝީދު ވިދާޅުވީ، ގާނޫނުއަސާސީން ރައްޔިތުންނަށް ލިބިދީފައިވާ އެންމެ މުހިއްމު އެއް ހައްގަކީ ހިޔާލުފާޅުކުރުމާއި ނޫސްވެރިކަމުގެ މިނިވަންކަން ކަމަށެވެ.

ރައީސް ނަޝީދު އިތުރަށް ވިދާޅުވީ، ޝަހުޒާން ކުރި ސުވާލަކީ ރައީސުލްޖުމްހޫރިއްޔާ ދަންވަރުގެ ވަގުތުތަކުގައި އަންހެނަކަށް ގިނަ އަދަދަކަށް ފޯނުން ގުޅުއްވި ސަބަބު ސާފުކުރުމަށް ކުރި ސުވާލެއް ކަމަށެވެ.

"އެ ސުވާލުގެ ޖަވާބު ނުދެއްވައި މީހަކު ގެންގޮސް ހިފާ ހައްޔަރު މިކުރީ. އެއީ އަޅުގަނޑުމެން ދެކޭ ގޮތުގައި ދިވެހިރާއްޖޭގެ ތަނަވަސްކަމަށް ވެސް، ދިވެހި ރައްޔިތުންގެ ފުއްދުންތެރިކަމަށް ވެސް ނުހަނު ބޮޑު ލޮޅުމެއް އަންނާނެ ކަމެއް. މިކަމުގައި ދިވެހިރާއްޖޭގެ ޑިމޮކްރެޓިކް ޕާޓީ (އެމްޑީޕީ) އިރާދަކުރެއްވިއްޔާ ކޮންމެ ދުވަހަކު ވެސް ތެދުވާނެ، އިހުތިޖާޖު ކުރާނެ،" ނަޝީދު ވިދާޅުވި އެވެ.

މުޒާހަރާގެ ތެރެއަށް ޕީއެންއެފްގެ ސަޕޯޓަރުން ވެސް ވަނީ ގުޅިފައެވެ. ކުރީގެ ރައީސް ޔާމީންގެ ގެ ކައިރިން މުޒާހަރާގެ ބައިވެރިން "އެލް ސޯފާ" އެއް ހިފައިގެން މުލިއާގެއާ ދިމާއަށް ދާން މަސައްކަތް ކުރުމުން ފުލުހުން ވަނީ އެކަމަށް ހުރަސް އަޅާފައެވެ. އަލިކިލެގެފާނު މަގުން ސޯފާ އަތުލުމަށް ފުލުހުން މަސައްކަތް ކުރުމުގެ ތެރޭގައި މީހަކު ހައްޔަރުކުރި އެވެ. 

މުޒާހަރާގެ ބައިވެރިންނަށް އަލިކިލަގެފާނު މަގުން އެއްވެސް ކޮޅަކަށް ނުދެވޭނެ ގޮތަށް ބަންދުކޮށްފައި ވަނިކޮށް،  ފުލުހުންގެ ސަފުތައް ފޫއަޅުވާލައި މުޒާހަރާގެ ބައިވެރިން އަލުން މަޖީދީ މަގަށް ނުކުމެ، ޗާންދަނީ މަގާއި މަޖީދީ މަގުގެ ހަތަރު އަނގޮޅީގައި އިށީނެވެ.

ދަންވަރު 12 ޖަހަން ކައިރިވެފައި ވަނިކޮށް، ފުލުހުން ރައިޓް ގިޔަރާއި ޝީލްޑާއެކު ނުކުމެ މުޒާހަރާ ރޫޅާލުމަށް ބާރުގެ ބޭނުންކުރި އެވެ. މި ކުރިމަތިލުމުގެ ތެރެއިން މަޝްހޫރު ސޯޝަލް މީޑިއާ އެކްޓިވިސްޓް ޝަމްއޫން ޖަލީލް (ލޫކަސް) ހިމެނޭހެން ބައެއް މީހުން ފުލުހުންގެ ބެލުމުގެ ދަށަށް ގެންދިޔަ އެވެ.

މުޒާހަރާ ކަވަރުކުރަން ހަރަކާތްތެރިވި ނޫސްވެރިންނަށް ފުލުހުން ހުރަސް އެޅިކަމަށާއި، ބައެއް ނޫސްވެރިންނަށް އަނިޔާކުރި ކަމަށް ތުހުމަތު ކުރެ އެވެ. 

ޗެނަލް 13 ގެ ނޫސްވެރިޔާ މަރިޔަމް އިސްމާއީލް އެކްސްގައި ކޮށްފައިވާ ޕޯސްޓްގައި ބުނެފައި ވަނީ، އޭނާ  ޕްރެސް ކާޑު ދައްކަމުން ދަނިކޮށް، އެސްއޯ ފުލުހުން  އޭނާއަށް ހަމަލާ ދިން ކަމަށެވެ.

"އަހަރެން ހަމައެކަނި ދުވާރުމަތީގައި މަޑުކޮށްގެން ހުއްޓާ، ޝީލްޑުން ވެސް އަހަރެންގެ ގައިގައި ޖެހި،" އޭނާ ބުންޏެވެ.

ފުލުހުން ރޭ ގަސްތުގައި ނޫސްވެރިންނަށާއި، ފޮޓޯގްރާފަރުންނަށާއި އަދި ވީޑިއޯގްރާފަރުންނަށް ހުރަސް އަޅާފައިވާ ކަމަށް މޯލްޑިވްސް ޖާނަލިސްޓް އެސޯޝިއޭޝަން (އެމްޖޭއޭ) އިން ބުނެފައިވެ އެވެ. ނޫސްވެރިންގެ ވާޖިބު އަދާކުރުމުގެ ފުރުސަތު ފުރިހަމައަށް އޮންނަންޖެހޭނެ ކަމަށް އެމްޖޭއޭއިން ބުނެފައިވެ އެވެ. 

ނޫސްވެރިން މިނިވަންކުރުމަށް ގޮވާލައި ކުރި މި މުޒާހަރާ ނިންމާލީ ދަންވަރުގެ ވަގުތެއްގައެވެ. މިރޭ ވެސް މުޒާހަރާ އޮންނާނެކަން އިއުލާނު ކުރި އެވެ. 

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox