ދިވެހި ބަހާއި ތާރީހާއި ތަރިކައާ ބެހޭ މިނިސްޓަރު، އާދަމް ނަސީރު އެ މަގާމުން އިސްތިއުފާދެއްވައިފި އެވެ.
އާދަމް ނަސީރު އެ މަގާމުން އިސްތިއުފާދެއްވާފައި މި ވަނީ ރައީސް އޮފީހުން އަންގައިގެން ކަމަށް މި ނޫހަށް ވަނީ އެނގިފަ އެވެ. އާދަމް ނަސީރަކީ މިނިސްޓަރުކަމުން މިއަދު އިސްތިއުފާދެއްވި 10 ވަނަ މިނިސްޓަރެވެ.
އިސްތިއުފާ ދެއްވި ކެބިނެޓް މިނިސްޓަރުން:
- ފޮރިން މިނިސްޓަރު ޑރ. އަބްދުﷲ ހަލީލް
- ސޯޝަލް އެންޑް ފެމިލީ ޑިވެލޮޕްމަންޓު މިނިސްޓަރު ޑރ. އައިޝަތު ޝިހާމް
- ޑިފެންސް މިނިސްޓަރު ގައްސާން މައުމޫން
- ލޯކަލް ގަވަމެންޓް މިނިސްޓަރު އާދަމް ޝަރީފް
- ހެލްތު މިނިސްޓަރު އަބްދުالله ނާޒިމް
- އެގްރިކަލްޗާ މިނިސްޓަރު މަރިޔަމް މާރިޔާ
- ޓޫރިޒަމް މިނިސްޓަރު ތޯރިގު އިބްރާހިމް
- ޔޫތު މިނިސްޓަރު އިބްރާހިމް ވަހީދު (އަސްވާޑު)
- ހަޔާ އެޑިއުކޭޝަން މިނިސްޓަރު ޑރ. އަލީ ހައިދަރު
- ދިވެހި ބަހާއި ސަގާފަތާ ބެހޭ މިނިސްޓަރު، އާދަމް ނަސީރު
ސަރުކާރުގެ މިނިސްޓަރުންތައް މިއަދު ވަކިކޮށްފައި މިވަނީ ނިމިދިޔަ ލޯކަލް ކައުންސިލް އިންތިހާބުގައި ސަރުކާރު ހިންގާ ޕީއެންސީ ބޮޑު ނާކާމިޔާބީއަކާ ކުރިމަތިލާފައި ވަނިކޮށެވެ. ކައުންސިލް އިންތިހާބާއެކު ނެގި ފެންނަ ނުފެންނަ ވޯޓުން ވެސް ސަރުކާރުން ހުށަހެޅި ދެ އިންތިހާބު އެއްކޮށްލުމާ ގުޅޭ ހުށަހެޅުމަށް ވެސް ބޮޑުތަނުން ވަނީ ނޫނެކޭ ބުނެފަ އެވެ.
މި ބަދަލާއެކު ފުލުހުންގެ ސްޕެޝަލް އޮޕަރޭޝަންސް ފުލުހުން ވެސް މިއަދު ވަނީ އެލާޓަށް ގެނެސްފަ އެވެ.
