ބާޒާރުގައި އޮރެންޖެއްގެ އަގު 15ރ. އަށް އުފުލިއްޖެ

ބާޒާރުގައި އޮރެންޖެއްގެ އަގު 15ރ. އަށް އުފުލިއްޖެ

މާލޭ ލޯކަލް މާރުކޭޓުގައި އޮރެންޖެއްގެ އަގު 15ރ. އަށް މިއަދު އުފުލިއްޖެ އެވެ.

ރޯދަ މަސް ފެށުނުއިރު އޮރެންޖެއްގެ އަގު ހުރީ 10ރ. ގަ އެވެ. ރޯދަ މަސް ފެށުމުގެ ހަފްތާއެއް ކުރިން އޮރެންޖެއްގެ އަގު ހުރީ 8ރ. ގަ އެވެ.

ނަމަވެސް ފަހުން އަގު ބޮޑުވަމުން ގޮސް އޮރެންޖެއްގެ އަގު 12ރ. އަށް އުފުލި މިއަދު މިވަނީ 15ރ. އަށް އަގު އުފުލިފަ އެވެ.

މާރުކޭޓުގައި ގޮޅިތައް ހިންގާ ބައެއް މީހުން ބުނީ އޮރެންޖުގެ އަގު އުފުލިގެން އުޅެނީ އޮރެންޖު ހޯލްސޭލްކޮށް ވިއްކާ އަގު ބޮޑުވުމުންނާއި އޮރެންޖު ލިބުން ވެސް ދަތިވުމާ ގުޅިގެން ކަމަށެވެ.

މިދިޔަ ރޯދަ މަހު ވެސް އޮރެންޖުގެ އަގު ކޮންމެވެސް ވަރަކަށް އުފުލު ނަމަވެސް 15ރ. އަށް އަގު އަރައިގެން ނުދާކަން ފާހަގަކުރެވެ އެވެ.

ރޯދަ މަހު އާންމުކޮށް ބޭނުންކުރާ ތަކެތީގެ ތެރެއިން ކަރާ ކިލޯއެއްގެ އަގު 20ރ. އާއި 25ރ. އާ ދެމެދު ހުރިއިރު، ފެޝަން ފުރުޓު ކިލޯއެއް އަގު ހުރީ 120ރ. އަށެވެ.

މީގެއިތުރުން ކަނޑޫދޫ މިރުހުގެ 100 ގްރާމް ލިބެންހުރީ 45ރ. އާއި 50ރ. އާ ދެމެދުގެ އަގެއްގަ އެވެ.

ބާޒާރުގައި އާންމުކޮށް ބޭނުންކުރާ އެހެން ތަކެތި ލިބެން ހުރި އަގުތައް:

  • ދިވެހި ކިއުކަމްބާ ކިލޯއެއް - 60ރ. އާއި 65ރ. އަށް
  • ޗައިނީސް ކިއުކަމްބާ ކިލޯއެއް - 80ރ. އާއި 85ރ. އަށް
  • ކެޕްސިކަމް ކިލޯއެއް - 70ރ. އަށް
  • ކެރެޓް ކިލޯއެއް - 30ރ. އަށް
  • ލުނބޯ ކިލޯއެއް - 60ރ. އަށް
  • ބީންސް ކިލޯއެއް - 65ރ. އާއި 70ރ. އަށް
  • ލީކްސް ކިލޯއެއް - 85ރ. އަށް
  • ބަނބުކެޔޮ ކިލޯއެއް - 70ރ. އަށް
  • ލެޓިއުސް ކިލޯއެއް - 50ރ. އާއި 60ރ. އަށް
  • ކޮޕީފަތް - ހަތަރު ފަތުގެ ބޮނޑިއެއް 10ރ. އަށް
  • އާފަލެއް - 6ރ. އާއި 7ރ. އަށް
  • ދޮންކެޔޮ ކިލޯއެއް - 45ރ. އާއި 80ރ. އަށް
  • ޖަނބުރޯލު ކިލޯއެއް - 100ރ. އަށް
  • ގްރޭޕްސް 100 ގްރާމް - 18ރ. އާއި 25ރ. އަށް
  • ކަންނެލި އަދި ކަނޑުމަސް ކިލޯއެއް - 35ރ. އަށް

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox