ގޭތެރެ ސާފުކުރުމަށް ބޭނުންކުރާ މަޝްހޫރު ބްރޭންޑެއް ކަމަށްވާ ޖަޕާނުގެ "މެޖިކްލީން" ގެ އުފެއްދުމެއް ގަނެގެން، ގުރުއަތުން ހޮވޭ ނަސީބުވެރިއަކަށް ކޮންމެ މަހަކު 5,000ރ. ގެ ނަގުދު ފައިސާގެ އިނާމެއް ލިބޭ ޕްރޮމޯޝަނެއް ފަށައިފި އެވެ.
މި ޕްރޮމޯޝަނަކީ ކަސްޓަމަރުންނަށް ހެޔޮ އަގުގައި ފެންވަރު ރަނގަޅު ސާފުކުރާ ސާމާނު ފޯރުކޮށްދިނުމުގެ އިތުރުން، އަގުހުރި އިނާމެއް ހޯދުމުގެ މަގު ފަހިކޮށްދިނުމުގެ މަގުސަދުގައި ކުރިއަށްގެންދާ ހަރަކާތެއް ކަމަށް، މި އުފެއްދުގެ ރާއްޖޭގެ ސޯލް ޑިސްޓްރިބިއުޓަރު ވެސްޓްރޭޑުގެ މެނޭޖަރު ބުންޏެވެ.
ޕްރޮމޯޝަންގައި ބައިވެރިވުމަށްޓަކައި މެޖިކްލީން ބްރޭންޑްގެ ކޮންމެ އުފެއްދުމެއް ގަތްކަމުގައި ވިޔަސް ގުރުއަތުގައި ބައިވެރިވެވޭނެއެވެ. މީގެ ތެރޭގައި ހިމެނެނީ، ފްލޯ ކްލީން، ވައިޕާ އަދި ޝީޓްސްގެ އިތުރުން ބަދިގެ އާއި ފާހާނާ ސާފުކުރާ ސްޕްރޭ އެވެ.
"މެޖިކްކްލީން ބްރޭންޑަކީ ގިނަ ދިވެހިންގެ އިތުބާރު ހޯދާފައިވާ، މަސައްކަތް ލުއިކޮށްދޭ އުފެއްދުންތަކެއް. މި ޕްރޮމޯޝަނާއެކު ކަސްޓަމަރުންނަށް އިތުރު އުފާވެރިކަމެއް ލިބިގެންދާނެ،" ރޯދަ މަހަށް ގޭތެރެ ރަނގަޅަށް ސާފުކޮށްލުމަށް ފުރުސަތު ލިބޭ ގޮތަށް ހުޅުވާލި ޕްރޮމޯޝަނާ ގުޅޭ ގޮތުން މެނޭޖަރު ބުންޏެވެ.
މި ޕްރޮމޯޝަން ކުރިއަށްދާނީ މާޗު މަހުގެ ނިޔަލަށެވެ.
މި ޕްރޮމޯޝަންގައި ބައިވެރިވެވޭނީ ވެސްޓްރޭޑު ފިހާރަ އައި އައިޑިއާގެ ފިހާރަތަކުން ވިޔަފާރިކޮށްގެންނެވެ. ވެސްޓްރޭޑު ފިހާރަ ހުންނާނީ އަމީރު އަހުމަދު މަގުގަ އެވެ. އައިޑިއާ ފިހާރަ މަޖީދީ މަގުގައި އަދި ހުޅުމާޅޭ ވިނަރެސްގެ އިތުރުން ފުވައްމުލަކުގައި ހުންނާނެ އެވެ.
