ދިރާގުން އައިފޯން 17 ސީރީޒްގެ ފޯނުތައް ޕްރީ-އޯޑާކުރި ކަސްޓަމަރުންނަށް ފޯނު ހަވާލުކުރަން ރޭ ފަށައިފި އެވެ.
ދިރާގުން އައިފޯން 17 ސީރީޒްގައި ހިމެނޭ އައިފޯން 17 ޕްރޯ އާއި އައިފޯން 17 ޕްރޯމެކްސް ޕްރީ-އޯޑާކުރި ކަސްޓަމަރުންނަށް ފޯނު ހަވާލުކުރީ ދިރާގު ހެޑް އޮފީހުގަ އެވެ.
އައިފޯން 17 ޕްރީ-އޯޑާކުރަން ސެޕްޓެމްބަރު 18، ގެ ރޭގަނޑު 12:01 އިން ފެށިގެން ދިރާގުން ހުޅުވާލުމާއެކު މަދު ވަގުތުކޮޅެއްގެ ތެރޭގައި އޭރު އައިފޯން 17 ޕްރޯ ވަނީ ހުސްވެފައި ކަމަށް އެ ކުންފުނިން ބުންޏެވެ.
Advertisement
ނަމަވެސް ދިރާގުން އަދިވެސް އައިފޯން 17 ސީރީޒްގެ ފޯނުތައް ޕްރީ-އޯޑާ ކުރުމުގެ ފުރުސަތު އޮތީ ހުޅުވިފަ އެވެ.
ދިރާގުން އައިފޯން 17 ސީރީޒްގެ ފޯނުތައް ވިއްކާ އަގުތައް:
- އައިފޯން 17 ޕްރޯމެކްސް (512 ޖީބީ) - 32،402.78ރ.
- އައިފޯން 17 ޕްރޯ (512 ޖީބީ) - 30،041.67ރ.
- އައިފޯން 17 އެއާ (256 ޖީބީ) - 23،143.52ރ.
- އައިފޯން 17 (256 ޖީބީ) - 18،643.52ރ.
ދިރާގުން އައިފޯން 17 ސީރީޒްގައި ހިމެނޭ ފޯނުތައް އިންސްޓޯލްމަންޓަށް ވެސް ނެގުމުގެ ފުރުސަތު އޮތީ ހުޅުވާލާފަ އެވެ. އެގޮތުން އެއް އަހަރަށް ބަހާލައިގެން ފޯނު ޕްރީއޯޑާ ކުރެވެ އެވެ.
