ރާއްޖޭގެ ރިސޯޓްތަކުގެ މެދުގައި ކުރިއަށްދާ އެންމެ ފޯރިގަދަ ފުޓްސަލް މުބާރާތް، ރިސޯޓް ލީގުގެ ނޯތު މާލެ ޒޯންގެ ދެ ވަނަ ބުރުގެ ޖާގަތައް ޕަޓިނާ މޯލްޑިވްސް ފަރި އައިލެންޑާއި ޖޯއި އައިލެންޑް މޯލްޑިވްސް ބައި ދި ކޮކޫން ކަލެކްޝަނުން ހޯދައިފި އެވެ.
ތިން ޓީމު ހިމެނޭ ގްރޫޕް އޭ އާއި ބީން ދެ ވަނަ ބުރުގެ ޖާގަ ލިބުނީ އެއް ވަނަ ޓީމަށެވެ.
ގްރޫޕް އޭގެ ފަހު މެޗުގައި، ޖޯއި އައިލެންޑުން ވަނީ 4-3 ދަ ރިޓްޒް ކާލްޓަން މޯލްޑިވްސް ފަރި އައިލެންޑް ބަލިކޮށްްފަ އެވެ. ގްރޫޕް އޭގެ ކުޅުން ނިމުނުއިރު، ޖޯއި އައިލެންޑަށް ހަތަރު ޕޮއިންޓް ލިބިފައިވާއިރު، ދެ ވަނައިގައި އޮތް ސަންގެލިން ދެ ޕޮއިންޓް ހޯދި އެވެ. އަދި، ތިން ވަނައިގައި އޮތީ އެއް ޕޮއިންޓާ އެކު ރިޓްޒް ކާލްޓަން އެެވެ. މި ގްރޫޕުން ގަދަ 12 ޓީމު ކުޅޭ ދެ ވަނަ ބުރުން ޖާގަ ލިބޭނީ ސަންގެލި އާއި ރިޓްޒް ކާލްޓަން ކުޅޭ ޕްލޭއޮފުން މޮޅުވާ ޓީމަކަށެވެ.
ގްރޫޕް ބީގެ ފަހު މެޗުގައި އިއްޔެ، ހުވަފެންފުށި މޯލްޑިވްސް އަތުން ޕަޓިނާ މޯލްޑިވްސް، ފަރި އައިލެންޑް މޮޅުވީ 5-1 އިންނެވެ. ޕަޓިނާގެ ލަނޑުތައް ޖެހީ، ކެޕްޓަން، ފާއިގު އަހުމަދު ދެ ގޯލާއި އިބްރާހިމް ޔާމީން، މާދިހު ވަޖީހު އަދި ރިޒާން އަލީ، ކޮންމެ ކުޅުންތެރިއަކު ގޯލެއް ޖެހި އެވެ. ހުވަފެންފުށިން ލަނޑު ޖެހީ އަހުސަން އަހުމަދު އެވެ.
މި ގްރޫޕްގެ އެއް ވަނަ ހޯދީ ހަ ޕޮއިންޓާ އެކު ޕަޓިނާ އެވެ. އެ ޓީމަށް ދެ ވަނަ ބުރުގެ ސީދާ ޖާގައެއް ލިބުނުއިރު، ދެން އޮތް ޖާގަ އަށް ވާދަކުރާނީ ހުވަފެންފުށި އާއި ހެލެނގެލި އެވެ. ގްރޫޕް ބުރުގައި ދެ ވަނަ ހޯދީ ތިން ޕޮއިންޓް ހޯދި ހުވަފެންފުށި އެވެ.
މުބާރާތުގައި މިއަދު ހަވީރު ކުޅޭ ދެ މެޗުގައި، ބައްދަލުކުރާނީ، އެއް މެޗުގައި، ތާޖު ކޮރަލް އާއި ރީތި ރަށް ކުޅޭނެ އެވެ. އަނެއް މެޗުގައި، ބޮޑު ހިތިން ކުޅޭނީ ބަރޮސްއާ އެވެ.
