ރާއްޖޭގެ ރިސޯޓްތަކުގެ މެދުގައި ބާއްވާ އެންމެ ބޮޑު ފުޓްސަލް މުބާރާތް، ރިސޯޓް ލީގު 2025 ގެ ރ. އަތޮޅު ބުރުގެ ފުރަތަމަ މެޗުން ޖޯލި މޯލްޑިވްސް އިން ވާދަވެރި ކުޅުމަކަށް ފަހު، އަލީލާ ކޮތައިފަރު މޯލްޑިވްސް އަތުން މޮޅުވެއްޖެ އެވެ.
ތިން ޓީމު ވާދަކުރާ މި ބުރުގެ މެޗުތައް އިއްޔެ ފެށިއިރު، ރ. އަތޮޅުގެ އެންމެ ފަހުގެ ޗެމްޕިއަން، ޖޯލި ފެންނަނީ މި ފަހަރު ވެސް ވަރުގަދަކޮށެވެ. އެކަމަކު، ފުރަތަމަ މެޗުގައި ކޮތަައިފަރު އަތުން ހޯދުނީ 5-4 އިން އުނދަގޫ މޮޅެކެވެ.
ޖޯލި މޯލްޑިވްސްގެ ކެޕްޓަން، މުސްލިމް މުހައްމަދު ވަނީ ހެޓްރިކެއް ހަދައިފަ އެވެ. އެ ޓީމުގެ އަނެއް ދެ ލަނޑު ޖަހައިފައިވަނީ، އިސްމާއިލް ނަޒީހު އާއި މޫސާ ލަތީފް އެވެ. މި މެޗުގައި ކޮތައިފަރުގެ ލަނޑުތައް ޖަހައިފައިވަނީ، އަހުމަދު ނާހީ ދެ ގޯލާއި ހަސަން އިރުފާން އާއި ޒިޔާން ސަމީރު، ކޮންމެ ކުޅުންތެރިއަކު ގޯލެކެވެ.
ރ. އަތޮޅުގެ މުބާރާތުގައި، މި ފަހަރު ދެން ވާދަކުރާ ޓީމަކީ، ކޯރަ ކޯރާ އެވެ. މުބާރާތުގައި މިއަދު ހަވީރު ކުޅޭ މެޗުގައި، ކޮތައިފަރުން ކުޅޭނީ ކޯރަ ކޯރާއާ އެވެ. ފުރަތަަމަ މެޗުގެ ނަތީޖާ އަށް ބަލާއިރު، މި މެޗުން މޮޅުވުން ކޮތައިފަރަށް ވަރަށް މުހިންމެވެ.
