އައްޑޫގެ ޑްރަގުގެ ބޮޑެއް ކަމަށް ބުނާ އަބުޗާ 25 އަހަރަށް ޖަލަށް

May 20, 2025, 8:46 AM
އަބްދުالله އިބްރާހިމް (އަބުޗާ): އޭނާ ޖަލުގައި ހުންނަން ޖެހެނީ 21 އަހަރު --- ގްރެފިކްސް: އިސްމާއިލް އިމްދާދު/އަދަދު

އަބްދުالله އިބްރާހިމް (އަބުޗާ): އޭނާ ޖަލުގައި ހުންނަން ޖެހެނީ 21 އަހަރު --- ގްރެފިކްސް: އިސްމާއިލް އިމްދާދު/އަދަދު

އައްޑޫ ސިޓީގައި މަސްތުވާތަކެތި ވިއްކުމުގެ ވިޔަފާރީގައި އިސްކޮށް ހަރަކާތްތެރިވާ ބޮޑެއް ކަމުގައި ފުލުހުން ބުނާ އަބްދުالله އިބްރާހިމް (އަބުޗާ) 25 އަހަރަށް ޖަލަށް ލާން ހުކުމްކޮށްފި އެވެ.

އަބުޗާ 25 އަހަރަށް ޖަލަށް ލާން ހުކުމް ކުރީ ޕްރޮސެކިއުޓާ ޖެނެރަލް (ޕީޖީ) އޮފީހާއެކީ ސޮއިކުރި އިއުތިރާފު އެއްބަސްވުމެއްގެ ދަށުންނެވެ. އޭނާ އިއުތިރާފު އެއްބަސްވުމެއް ހެދީ 98 ކިލޯގެ ޑްރަގު އެތެރެކުރަން އުޅުނު މައްސަލައިގައި ކަމަށް މައުލޫމާތު ލިބިފައިވެ އެވެ.

ޕީޖީ އޮފީހުން އަބުޗާގެ މައްޗަށް ދެ ދައުވާއެއް ކުރި އެވެ. މި ދެ ދައުވާގެ ހުކުމަކީ ކޮންމެ ދައުވާއަކަށް 25 އަހަރު ޖަލަށް، ޖުމްލަ 50 އަހަރަށް ޖަލަށް ލުމެވެ.

ނަމަވެސް އޭނާ އިއުތިރާފުވެފައިވާތީ އަދުބުން އެއްބައި އުނިކުރުމަށް ފަހު ކޯޓުން ހުކުމް ކުރީ 25 އަހަރަށް ޖަލަށް ލުމާއެކު އެއް ލައްކަ ރުފިޔާއިން ޖޫރިމަނާ ކުރާށެވެ. އަދި މި މައްސަލައިގައި އޭނާ ޖަލުގައި ހުރި މުއްދަތު އުނިކުރުމުން ޖަލުގައި ހުންނަން ޖެހޭނީ 21 އަހަރަށެވެ.

މި މައްސަލައިގައި އަބުޗާގެ އިތުރުން، 13 މީހަކު ބަންދުކުރި އެވެ. މި މައްސަލައިގައި ދެން ހައްޔަރުކުރި މީހުންނާ މެދު ޕީޖީ އޮފީހުން އަމަލުކުރީ ކިހިނެއް ކަމެއް ނޭނގެ އެވެ.

އޭރުގެ ހަބަރުތަކުން ފެންނަން ހުރި ގޮތުގައި މި މައްސަލައިގައި އަތުލައިގަތް މަސްތުވާތަކެތީގެ ތެރޭގައި ހެރޮއިން އާއި އެމްޑީއެމްއޭ އާއި އެމްފެޓަމިން ހިމެނެ އެވެ. މި ތަކެތި އަތުލައިގަތީ ކަނޑުމަގުން އެ ތަކެތި އެތެރެކުރަން އުޅޭ ކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެންނެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox