މަސްވެރިންނަށް ދޭން ޖެހޭ 16 މިލިއަން ރުފިޔާ މާދަމާ ދޭނަން: ޝިޔާމް

ފިޝަރީޒް މިނިސްޓަރު ޝިޔާމު: މަސްވެރިންނަށް ނުދެވި ހުރި 16 މިލިއަން ރުފިޔާ މާދަމާ ދޭނެ ކަމަށް މިނިސްޓަރު ވިދާޅުވި --- ފޮޓޯ: މިރާޝް ނާޝިމް / އަދަދު

ފިޝަރީޒް މިނިސްޓަރު ޝިޔާމު: މަސްވެރިންނަށް ނުދެވި ހުރި 16 މިލިއަން ރުފިޔާ މާދަމާ ދޭނެ ކަމަށް މިނިސްޓަރު ވިދާޅުވި --- ފޮޓޯ: މިރާޝް ނާޝިމް / އަދަދު

މިދިޔަ މަހުގެ 26 އިން ފެށިގެން މަސްވެރިން ކިރާފައިވާ މަހަށް ސަރުކާރުގެ މަސްކުންފުނި މިފްކޯއިން ނުދީ ހުރި 16 މިލިއަން ރުފިޔާ މާދަމާ ދޫކުރާނެ ކަމަށް ފިޝަރީޒް މިނިސްޓަރު އަހުމަދު ޝިޔާމް ވިދާޅުވި އެވެ.

ރައްޔިތުންގެ މަޖިލީހުގެ މެންބަރަކު މިއަދު ސުވާލުކުރުމަށް ހާޒިރުކުރުމުން ވާހަކަދައްކަވަމުން ޝިޔާމް ވިދާޅުވީ، މިހާރު ނުދެވި އޮތް ފައިސާ މިއަދު ފިނޭންސް މިނިސްޓްރީން މިފްކޯއަށް ދޫކުރާނެ ކަމަށެވެ. މިހާރު ނުދެވި އޮތީ ޖުމްލަ 16.2 މިލިއަން ރުފިޔާ ކަމަށް ވެސް މިނިސްޓަރު ވިދާޅުވި އެވެ.

"މާދަމާ މަސްވެރިންނާ ހިސާބަށް މާދަމާ ބެކްލޮގު އެއްކޮށް، ނުވަތަ މިހާރު މަސްވެރިންނަށް ނުދެވި އޮތް ފައިސާ އެއް ވެއްޖިއްޔާ. މަސްވެރިން މަސްކިރާފަ ނުދެވި އިން ފައިސާއެއް ވެއްޖިއްޔާ. މާދަމާއާ ހިސާބަށް ލިބިގެންދާނެ،" ޝިޔާމު ވިދާޅުވި އެވެ.

މިނިސްޓަރު މިހެން ވިދާޅުވިއިރު، މިފްކޯއިން މީގެ ކުރިން ބުނެފައިވަނީ މި ފައިސާ ދެވޭނެ ގޮތެއް އަދި ހަމަޖެހިފައި ނެތް ކަމަށެވެ.

މި މުއްދަތުގެ ކުރިން، އޯގަސްޓް 24، އިން ފެށިގެން ސެޕްޓެމްބަރު 25، ގެ ނިޔަލަށް މަސްވެރިންނަށް ދޭން ޖެހެނީ 17.35 މިލިއަން ރުފިޔާ ނުދީގެންވެސް މަސްވެރިން އެކި ސަރަހައްދުތަކުގައި މުޒާހަރާ ކުރި އެވެ. މިފްކޯއިން އެ ފައިސާ ދޫކުރަން ފެށީ ފިޝަރީޒް މިނިސްޓްރީގެ ޓީމުތައް ރަށްރަށަށް ނާރުވާ ބޭރުކުރަން ވެސް ފެށިފަހުންނެވެ.

އަދި، ކުރީގެ ފިނޭންސް މިނިސްޓަރު ޑރ. މުހައްމަދު ޝަފީގު ސެޕްޓެމްބަރު މަހުގެ ފަހުކޮޅު އިސްތިއުފާ ދެއްވަން ރައީސް ޑރ. މުހައްމަދު މުއިއްޒު އެންގެވީ ވެސް މި މުޒާހަރާތަކާ ގުޅިގެން ކަމަށް މި ނޫހަށް އޭރު މައުލޫމާތު ލިބުނެވެ.

ކޮމެންޓް

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox