ޖޯޖިއާގައި ކުރިއަށްދިޔަ ބަޓޫމީ ކަޕްގެ 13 އަހަރުން ދަށުގެ އަންހެން ސިންގަލްސް އިން, ލައިބާ އަހުމަދު މަހުލޫފް (އެލީ) ލޯ މެޑަލް އަދި އަންހެން ޑަބަލްސް އިން ރިހި މެޑަލް ހޯދައިފި އެވެ.
ސިންގަލްސް އިވެންޓުން ލައިބާ އަށް ލޯ މެޑަލް ލިބުނީ, ސެމީ ފައިނަލަށް ދަތުރު ކުރުމުންނެވެ.
އާރްމީނިއާގެ 13 އަހަރުން ދަށުގެ އެއް ވަނަ ކުޅުންތެރިޔާ، އަނީޓާއާ، އަންހެން ސިންގަލްސްގައި ވާދަކޮށް ލައިބާ ބަލިވީ ސީދާ ދެ ސެޓުންނެވެ. އެ މެޗުގެ ސެޓުތައް ދިޔައީ، 25-23 އާއި 21-13 އިންނެވެ.
އަންހެން ޑަބަލްސްގައި ލައިބާގެ ޕާޓްނަރަކީ ސިންގަލްސް ސެމީ ފައިނަލުގައި އޭނާ އަތުން މޮޅުވި، އަނީޓާ އެވެ.
ބަޓޫމީ ކަޕަށް ތައްޔާރުވުމުގެ ގޮތުން، އަބޫ ދާބީގައި ލައިބާ ވަނީ ޓްރެއިނިންތަކެއް ކުރިއަށްގެންގޮސްފަ އެވެ.
ބަޓޫމީ ކަޕްގައި، އާރްމީނިއާ، އަޒަރުބައިޖާން، ތުރުކީ، ކަޒަކްސްތާން އަދި ޖޯޖިއާގެ ޖޫނިއާ ރޭންކިން އަށް ބަލާއިރު، ރަނގަޅު ކުޅުންތެރިން ވާދަކޮށްފައިވެ އެވެ.
ބައިނަލްއަގުވާމީ ބެޑްމިންޓަން މުބާރާތުގައި ވާދަކޮށް، ލައިބާ ވަނީ މީގެ ކުރިން ގިނަ މެޑަލްތަކެއް ހޯދައިފަ އެވެ. ބައިނަލް އަގުވާމީ މުބާރާތްތަކުގައި ލައިބާ އަށް ލިބިފައިވާ މެޑަލްތަކުގެ ޖުމްލަ ވަނީ 14 އަށް އަރައިފަ އެވެ.
