ޖޯޖިއާގައި މިހާރު ކުރިއަށްދާ ބަޓޫމީ ކަޕްގެ 13 އަހަރުން ދަށުގެ އަންހެން ސިންގަލްސް ކުއާޓާ ފައިނަލުން، ލައިބާ އަހުމަދު މަހުލޫފް (އެލީ) ޖާގަހޯދައިިފި އެވެ.
އެ ގޮތުން، 13 އަހަރުން ދަށުގެ ގްރޫޕް ތިނެއްގައި ވާދަކޮށް، ލައިބާ ވަނީ ތުރުކީން މުބާރާތަށް އައި އެ ގައުމުން، ތިން ވަނަ އަށް ރޭންކްކޮށްފައިވާ އެލީޝާ ލަޝިން އަތުން 21-16، 21-15 އިން މޮޅުވެފަ އެވެ. ދެ ވަނަ މެޗުގައި، އަޒަރުބައިޖާނުން ދެ ވަނަ އަށް ރޭންކްކޮށްފައިވާ، ބަނޫ އިބްރަހިމްލީ އަތުން ލައިބާ މޮޅުވީ، 2-1 ސެޓުންނެވެ. ސެޓުތައް ދިޔައީ، 18-21، 21-18 އަދި 12-21 އިންނެވެ. ގްރޫޕްގެ ތިން ވަނަ މެޗުގައި، އާރްމީނިއާގެ ދެ ވަނަ އަށް ރޭންކްކޮށްފައިވާ، ލިލިތު ހޮވްސެޕިއަން އަތުން މޮޅުވީ، 21-18، 21-05 އިންނެވެ.
މި މުބާރާތުގައި ލައިބާ ޑަބަލްސް ޕާޓްނަރުންގެ ގޮތުގައި ޕެއާކޮށްފައިވަނީ އަރްމީނިއާ ކުޅުންތެރިންނާ އެކުގަ އެވެ. އެ ގޮތުން، ޑަބަލްސް ޕާޓްނަރަކީ، އަނީތާ އަރްޒުމަންޔާން އެވެ. އަދި މިކްސް ޑަބަލްސް ޕާޓްނަރަކީ، އަރްމީނިއާގެ އެރިކް އެލޯޔާން އެވެ.
ބައިނަލްއަގުވާމީ ބެޑްމިންޓަން މުބާރާތުގައި ވާދަކޮށް، ލައިބާ ވަނީ މީގެ ކުރިން ގިނަ މެޑަލްތަކެއް ހޯދައިފަ އެވެ. އެގޮތުން، ސެޕްޓެމްބަރު މަހު، ސްލޮވީނިއާގައި ކުރިއަށްދިޔަ މުބާރާތުގެ 13 އަހަރުން ދަށުގެ ޑަަބަލްސް ބައިން، ލޯ މެޑަލް ހާސިލްކުރީ، ކްރޮއޭޝިއާގެ ޓިހާނާ މަވްރިސެޗްއާ އެއް ޕެއާއެއްގައި ކުޅެގެންނެވެ.
