އޮލެމްޕިއާސްޓޭޑިއަން ބާލިން

ޖަރުމަނުގެ ކެޕިޓަލް ބާލިން އަކީ ޖަރުމަނަށް ދަތުރުކުރާ ފަތުރުވެރިންގެ އެންމެ މަގުބޫލު މަންޒިލެވެ.

އޮލެމްޕިއާސްޓޭޑިއަން ބާލިން:

ސްޓޭޑިއަމް ކެޕޭސިޓީ: 71,000

ސްޓޭޑިއަމް ނިސްބަތްވާ ޓީމު: ހާތާ ބާލިން

ކުޅެފައިވާ މަޝްހޫރު މެޗުތައް: 2006 ވަނަ އަހަރުގެ ފީފާ ވޯލްޑް ކަޕް ފައިނަލް, 2015 ވަނަ އަހަރުގެ ޔުއެފާ ޗެމްޕިއަންސް ލީގު ފައިނަލް

ސްޓޭޑިއަމްގެ ތާރީހު:

މި ފަހަރުގެ ޔޫރޯގެ އެންމެ މުހިންމު މެޗުތައް ކުޅޭނީ މި ދަނޑުގަ އެވެ. މި ދަނޑަކީ 1985 ވަނަ އަހަރުން ފެށިގެން ޖަރުމަނު ކަޕް ފައިނަލް ކުޅެފައިވާ ދަނޑެވެ. މީގެ އިތުރުން މި ދަނޑަކީ 2006 ވަނަ އަހަރު ޕެނަލްޓީގައި ފްރާންސް ބަލިކޮށް އިޓަލީން ފީފާ ވޯލްޑް ކަޕް ކާމިޔާބުކުރި ދަނޑެވެ. މީގެ އިތުރުން މި ދަނޑަކީ 2015 ވަނަ އަހަރު ޔުވެންޓަސް ބަލިކޮށް ބާސެލޯނާ އިން ޗެމްޕިއަންސް ލީގުގެ ތަށި އުުފުލާލި ދަނޑުވެސް މެ އެވެ.