ވެހިކަލް ދުއްވުމުގެ ލައިސެންސް ނެތް މީހަކު ދުއްވި ކާރެއް ހުޅުމާލޭގައި މިއަދު އެކްސިޑެންޓުވެއްޖެ އެވެ.
މީޑިއާތަކަށް ފޮނުވި މެސެޖެއްގައި ފުލުހުން ބުނީ އެކްސިޑެންޓު ހިނގީ މިއަދު ހަވީރު 5:00 ޖަހާކަންހާއިރު ހުޅުމާލޭ ކަރެކްޝަނަލް ސާވިސް ކައިރީގައި ކާރަކާއި ސައިކަލެއް ޖެހިގެން ކަމަށެވެ.
އެ އެކްސިޑެންޓުގައި އަންހެނަކަށް އަނިޔާވި ކަމަށް ފުލުހުން ބުނެ އެވެ. އަދި އެކްސިޑެންޓުވި ކާރާއި ސައިކަލަށް ވެސް ގެއްލުންތަކެއްވި ކަމަށް ފުލުހުން ބުނެ އެވެ.
Advertisement
އަނިޔާވީ އުމުރުން 35 އަހަރުގެ އަންހެނަކަށް ކަމަށް ފުލުހުން ބުންޏެވެ. ނަމަވެސް އޭނާއަށް ލިބުނު އަނިޔާގެ ތަފުސީލެއް ފުލުހުން ނުދެ އެވެ. އޭނާއަށް ފަރުވާ ކުރަން ޓްރީ ޓޮޕް ހޮސްޕިޓަލަށް ވަނީ ގެންގޮސްފަ އެވެ.
އެ މައްސަލަ ފުލުހުން އަންނަނީ ތަހުގީގު ކުރަމުންނެވެ
