އެޗުޑީސީގެ ޗެއާމަންކަމަށް މި ސަރުކާރުން ހަމަޖެއްސި އަހުމަދު ޒުހޫރު އެ މަގާމުންނާއި އެޗްޑީސީގެ ބޯޑުގެ ޑިރެކްޓަރު ކަމުން މިއަދު ވަކިކޮށްފި ކަމަށް ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) ބުނެފި އެވެ.
ޕީސީބީން ދާދީ ދެންމެއަކު އެކްސްގައި ކުރި ޕޯސްޓެއްގައި ޒުހޫރު މަގާމުން ވަކިކުރި ނަމަވެސް، އޭނާ ވަކިކުރި ސަބަބެއް ހާމައެއް ނުކުރެ އެވެ. އޭނާއާ ބެހޭ މައްސަލައެއް ވެސް މިހާތަނަށް އެއްވެސް މީޑިއާއަކުން ރިޕޯޓުކޮށްފައި ނެތެވެ.
ޒުހޫރަކީ މިނިސްޓަރުކަމާއި ކަސްޓަމްސްގެ ކޮމިޝަނާ ޖެނެރަލް ކަމުގެ އިތުރުން ސްޓެލްކޯގެ މެނޭޖިން ޑިރެކްޓަރުކަން ކުރައްވާފައިވާ ބޭފުޅެކެވެ. އޭނާއަކީ ޕީޕީއެމްގެ ކުރީ ސަރުކާރުގައި ވެސް ގިނަ މަގާމުތަކެއް ފުރުއްވި ބޭފުޅެކެވެ.
މިއީ 24 ގަޑިއިރުގެ ތެރޭގައި ސަރުކާރު ކުންފުންޏަކުން ވަކިކުރި ތިން ވަނަ އިސް މީހާ އެވެ. އެއީ މިފްކޯގެ މެނޭޖިން ޑިރެކްޓަރު އަހުމަދު ޝަމާހު އާއި އެމްއެމްޕީއާރުސީގެ މެނޭޖިން ޑިރެކްޓަރު ފާތިމަތު ތައުފީގު (ކުޑީ) އެވެ.
ހަމައެހެންމެ، އެމްއެމްޕީއާރުސީގެ ޗެއާޕާސަން ކަމުގައި ހުންނެވި އައިޝާ ނޫރެއިން ޖަނާހު ވަނީ އިއްޔެ އެ ކުންފުނީގެ ބޯޑުން އިސްތިއުފާ ދެއްވާފަ އެވެ.
