އުރީދޫ މެދުވެރިކޮށް ރޯދަ ވީއްލުން ސަދަގާތް ކޮށްލުމުގެ ފުރުސަތު

އުރީދޫ މޯލްޑީވްސް މެދުވެރިކޮށް ރޯދަ ވީއްލުން ސަދަގާތް ކޮށްލުމުގެ ފުރުސަތު ހުޅުވާލައިފި އެވެ.

ރޯދަ ވީއްލުމުގެ ޕެކުތައް ހަދިޔާ ކުރުމަށް އުރީދޫއިން ހުޅުވާލާފައި ވަނީ އެޕު މެދުވެރިކޮށް ކަމަށްވާއިރު، އެމްފައިސާ މެދުވެރިކޮށް ރޯދަ ވީއްލުމުގެ ޕެކުތަކަށް ފައިސާ ދެއްކެ އެވެ.

ބުރުޒު ކޭޓަރިންއާ ގުޅިގެން އުރީދޫއިން ފޯރުކޮށްދޭ ތިން ވައްތަރެއްގެ ރޯދަ ވީއްލުމުގެ ޕެކު ހިމެނެ އެވެ.

ރޯދަ ވީއްލުމުގެ ޕެކުތަކުގެ ތަފްސީލު:

• ރޯދަ ވީއްލުން ޕެކު 1 - ފެންފުޅި، ކަދުރު، ތަރުކާރީ ބަތް، ކުޅުކުޅު އަދި ސަޓަނި = 49ރ.
• ރޯދަ ވީއްލުން ޕެކު 2 - ފެންފުޅި، ކަދުރު، ޖޫސް ޕެކެޓު، 4 ކުޅި އަދި 2 ފޮނި ހެދިކާ = 39ރ.
• ރޯދަ ވީއްލުން ޕެކު 3 - ފެންފުޅި، ކަދުރު، ޖޫސް ޕެކެޓު، 2 ކުޅި އަދި 2 ފޮނި ހެދިކާ = 29ރ.

އުރީދޫއިން މި ރޯދަ ވީއްލުމުގެ ޕެކުތައް ހަދިޔާ ކުރުމަށް ނިންމާފައިވަނީ މިސްކިތްތަކަށެވެ.

އުރީދޫއިން އަބަދުވެސް ރޯދަ މަހާ ދިމާކޮށް ތަފާތު އެކި ކަންކަން އިސް ނަގައިގެން ކުރަމުން އަންނައިރު، ޒުވާނުންނާއި އިސްރަށްވެހިންނާއެކު ރޯދަ ވިއްލައި ހިޔާލު ބަދަލު ކޮށްލެވޭނެ މާހައުލެއް ގާއިމު ކުރެވޭ ރޯދަވީއްލުމެއް ރޯދަ މަހު ބާއްވާނެ އެވެ.