ޗައިނާގެ އެކްސްޕޯޓް-އިމްޕޯޓް ބޭންކު (އެގްޒިމް) ގެ ރައީސް ރެން ޝެންގްޖުން، ރައީސުލްޖުމުހޫރިއްޔާ ޑރ. މުހައްމަދު މުއިއްޒާއި މިއަދު ބައްދަލުކުރައްވައިފި އެވެ.
މި ބައްދަލުވުމުގައި ރައީސް ވިދާޅުވި ކަމަށް ރައީސް އޮފީހުން ބުނީ ޗައިނާއާއި އެގްޒިމް ބޭންކުން ރާއްޖެއަށް ދޭ ބޮޑު އެއްބާރުލުން ފާހަގަކުރައްވާ ކަމަށެވެ. ޗައިނާއިން ރާއްޖޭގެ އުމްރާނީ ތަރައްގީގެ ގިނަ މަޝްރޫއުތަކެއް ކުރިއަށްގެންދިޔުމުގައި ވާ އެހީތެރިކަން ވެސް ރައީސް މުއިއްޒު ފާހަގަކުރެއްވި ކަމަށް ރައީސް އޮފީހުން ބުންޏެވެ.
މީގެ އިތުރުން ކުރިއަށް އޮތް ފަސް އަހަރުގެ ދައުރުގެ ތެރޭގައި ރާއްޖެއަށް އެންމު މުހިއްމު ބޯހިޔާވަހިކަމުގެ މަޝްރޫއުތަކުގެ ވާހަކަ ވެސް ރައީސް މުއިއްޒާއި ޗައިނާ އެގްޒިމް ބޭންކްގެ ރައީސްގެ ދެއްކެވި އެވެ.
ޗައިނާއާއި ރާއްޖެއާ ދެމެދު އޮންނަ ތާރީހީ ގުޅުމާއި، އެއްބާރުލުމާއި، އިހުތިރާމްގެ މައްޗަށް އެ ބައްދަލުވުމުގައި އެ ބައްދަލުވުމުގައި ރެން ޝެންގްޖުން އަލިއަޅުއްވައިލެއްވި އެވެ. ޗައިނާގެ ބެލްޓް އެންޑް ރޯޑް އިނިޝިއޭޓިވްގައި ރާއްޖެއިން ބައިވެރިވިކަން ފާހަގަކުރައްވައި، އޭނާ ވިދާޅުވީ ރާއްޖެއާއެކު އޮތް ގުޅުން ވަރުގަދަކުރުމަށް އުންމީދުކުރައްވާކަމަށް ވިދާޅުވެފަަ އެވެ.
ރައީސް މުއިއްޒު އަދި ޗައިނާ އެގްޒިމް ބޭންކުގެ ރައީސް، ރެން ޝެންގްޖުންގެ ބައްދަލުވުން ނިންމަވައިލެއްވީ މުސްތަގުބަލުގައި އެކުގައި މަސައްކަތްކުރުމަށް ވައުދުވެވަޑައިގަންނަވަމުން ކަމަށް ވެސް ރައީސް އޮފީހުން ބުންޏެވެ.
