ރޭ ދަންވަރު ފުވައްމުލަކުގައި ފުލުހުން ޕެޓްރޯލް ކުރަނިކޮށް ސައިކަލަކާއެކު ވެއްޓިފައި އޮތް ކުޑަކުއްޖަކު ފެނިފައިވާ ކަމަށާއި އޭނާ ހޮސްޕިޓަލަށް ގެންދިޔައިރު ހާލު ސީރިއަސް ކަމަށް ފުލުހުން ބުނެފި އެވެ.
ފުލުހުން ބުނީ ސައިކަލާއެކު ވެއްޓިފައި އޮއްވާ ފެނުނީ އުމުރުން 14 އަހަރުގެ ފިރިހެން ކުއްޖެއް ކަމަށެވެ. އޭނާ ފެނުނީ މާލެގަން އަވަށުން، ބަހާރު މަގާއި ގާޒީ މަގާ ގުޅޭ ހިސާބުން ކަމަށް ފުލުހުން ބުނެ އެވެ.
އެ ކުއްޖާއަށް ވެފައި ހުރި ހާނީއްކަތަށް މިހާތަނަށް މި ނޫހަށް އެނގިފައެއްނުވެ އެވެ. ސައިކަލު ދުއްވީ އެ ކުއްޖާކަން ނުވަތަ ނޫންކަން ވެސް ކަށަވަރެއް ނޫނެވެ.
Advertisement
އެ މައްސަލައާ ގުޅިގެން ފުލުހުންގެ ފަރާތުން މިހާތަނަށް އިތުރު މައުލޫމާތެއް ނުލިބެ އެވެ. ނަމަވެސް އެ މައްސަލަ ތަހުގީގު ކުރަން ފަށާފައިވާ ކަމަށް ފުލުހުން ބުނެ އެވެ.
