ރައީސް ޑރ. މުހައްމަދު މުއިއްޒު ތުރުކީއަށާއި ޔޫއޭއީއަށް ކުރެއްވި ދަތުރަކީ ކާމިޔާބު ދަތުރެއް ކަމަށް ބުނެ ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އިން އެމަނިކުފާނަށް މަރުހަބާ ކިޔައިފި އެވެ.
ތުުރުކީއަށް ކުރެއްވި ރަސްމީ ދަތުރާއި ކޮޕް-28 ސަމިޓްގައި ބައިވެރިވެވަޑައިގަންނަވަން ޔޫއޭއީއަށް ކުރެއްވި ދަތުރުފުޅަށް މަރުހަބާ ކިޔައި ޕީޕީއެމުން ނެރުނު ބަޔާނުގައި ބުނީ ތުރުކީ އާއި ޔޫއޭއީއަށް ކުރެއްވި ދަތުރުުޅުގައި ތުރުކީ އާއި އެކި ގަމުތަކުގެ އެންމެ އިސް ވެރިންނާއި ބައްދަލުކުރައްވާ އެގައުމުތަކާއި ރާއްޖެއާ ދެމެދު އޮތް ގުޅުންތައް އިތުރަށް ވަރުގަދަ ކުރަން ކުރެއްވި މަޝްވަރާތައް ވަރަށް ކާމިޔާބު ކަމަށެވެ.
ދަތުރުތަކުގައި ރައީސް ބައްދަލުކުރެއްވި ބައެއް ބޭފުޅުން
ޔޫއޭއީގައި:
- އިންޑިއާގެ ބޮޑުވަޒީރު ނަރެންދުރާ މޯދީ
- ސްރީލަންކާގެ ރައީސް ރަނިލް ބިކްރަމް ސިންހަ
- އިނގިރޭސި ރަސްގެފާނު ޗާލް ތިން ވަނަ
- އުރުދުންގެ ރަސްގެފާން އަބްދުﷲ
- ބުރޫނާއީގެ ރަސްގެފާނު ހަސަނުލް ބުލްގިޔާ
- ގަތަރުގެ އަމީރު ތަމީން ބިން ހަމަދު
ޕީޕީއެމްގެ ބަޔާނުގައި ބުނީ ގައުމުތަކުގެ ވެރިންނާ އެކު ރައީސް މުއިއްޒު ބޭއްވެވި ބައްދަލުވުންތަކުގައި، ރާއްޖޭގެ ތަރައްގީގެ މަޝްރޫއުތަކަށް އެހީތެރިކަން ހޯއްދަވަން މަޝްވަރާކުރެއްވި ކަމަށެވެ.
"... ކޮޕް28 ކޮންފަރަންސްގެ ޙަވާސާގައި ތަފާތު އެކި ގައުމުތަކުގެ ވެރިންނާއި ބައްދަލުކުރައްވާ ކުރެއްވި މަޝްވަރާތަކުގެ ތެރޭގައި ދިވެހި ރައްޔިތުން ދިވެހިރާއްޖެއަށް ބޭނުންވާ ތަރައްގީގެ ތަފާތު މަޝްރޫޢުތައް ހިންގެވުމުގައި އެގައުމުތަކުގެ އެހީތެރިކަން ހޯއްދެވުމުގެ މަޝްވަރާތައްވެސް ވަނީ ވަރަށް ކާމިޔާބުކަމާއެކު ކުރިއަށް ގެންދަވާފަ،" ޕީޕީއެމްގެ ބަޔާނުގައި ބުންޏެވެ.
