ވަޒީރުންގެ ނައިބުކަން ދެއްވި 26 ބޭފުޅެއްގެ ނަން ހާމަކޮށްފި

އެކި ވުޒާރާތަކުގެ ނައިބު ވަޒީރުންގެ މަގާމަށް ރައީސް ޑރ. މުހައްމަދު މުއިއްޒު އައްޔަންކުރެއްވި 26 ބޭފުޅުން، އެ މަގާމުތަކަށް އައްޔަންކުރެއްވި ވާހަކަ ބައެއް ނޫސްތަކުގައި ޖެހިތާ ދެތިން ދުވަސް ފަހުން، އެބޭފުޅުންގެ ނަންތައް ރައީސް އޮފީހުން ރަސްމީކޮށް ހާމަކޮށްފި އެވެ.

ނައިބު ވަޒީރުންނަށް ބޭފުޅުން އައްޔަންކުރެއްވިކަން މިއަދު ރައީސް އޮފީހުން ހާމަކުރިއިރު، ފާއިތުވި ތިން ދުވަހު އޭގެ ތެރެއިން ގިނަ ބޭފުޅުން ވަނީ ސޯޝަލް މީޑިއާގައި އެކަން އިއުލާންކުރައްވައިފަ އެވެ.

ރައީސް އޮފީހުގެ ބަހެއް ނެތި ސޯޝަލް މީޑިއާގައި ދައުރުވި ޕޯސްޓުތަކާ ގުޅިގެން އެ އޮފީހުގެ ކޮމިއުނިކޭޝަން ވަޒީރު އިބްރާހީމް ހަލީލު އިއްޔެ ވިދާޅުވީ ރައީސް އޮފީހުން އެކަން އިއުލާންކުރުން ލަސްވަނީ އިދާރީ ކަންކަމާ ގުޅިގެން ކަމަށެވެ.

"އައްޔަންކުރުމާ ފޮޓޯ ނެގުމާ އެކަމުގައި އުޅެނީ، އައްޔަނު އަދި ނުކުރޭ އެހާ ގިނަ ބަޔަކު، ބައެއް ކަހަލަ އިދާރީ މަސައްކަތްތައް ކުރެވެމުންދަނީ," ހަލީލު ވިދާޅުވި އެވެ.

އެކި ވުޒާރާތަކުގެ ނައިބު ވަޒީރުންގެ ނަންތައް އިއުލާނު ކޮށްފައިވީ ނަމަވެސް އަދިވެސް ރައީސް އޮފީހުގެ ވެބްސައިޓުން އެ ފަރާތްތަކުގެ ފޮޓޯ އާއި ތަފުސީލު އާންމުކޮށްފައެއް ނުވެ އެވެ.

އާންމު އުސޫލުގެ ދަށުން ރައީސް އޮފީހުން މަގާމުތަކަށް އައްޔަންކުރާ ފަރާތްތަކުގެ މައުލޫމާތު އާންމުކުރާއިރު، އެ ފަރާތްތަކުގެ ނަމުގެ އިތުރުން އެޑްރެސްވެސް އިއުލާނުކުރެ އެވެ. ނަމަވެސް މިއަދު ކުރި އިއުލާނުގައި ހިމަނާފައިވަނީ ހަމައެކަނި މިނިސްޓްރީ އަދި ނަމެވެ.

މިއަދު އިއުލާނުކުރި ނައިބު ވަޒީރުން:

އިކޮނޮމިކް މިނިސްޓްރީ

1. ސޯލިހު ހުސައިން
2. އައިޝަތު ޝަހުދާ އަބްދުﷲ
3. މުހައްމަދު އައިޝް
4. އަހުމަދު ސާލިމް ސައީދު

ޓޫރިޒަމް މިނިސްޓްރީ

1. އިބްރާހީމް ޔޫސުފްފުޅު
2. މުހައްމަދު ޔާމީން އަހުމަދު

ފިޝަރީޒް މިނިސްޓްރީ

1. އަހުމަދު ޝާފިއު
2. ހައްމާދު އަބްލްކަރީމް

އިސްލާމިކް މިނިސްޓްރީ

1. ހައްވާ ލަތީފު
2. ހިސާން އަލީ އަހުސަން

އެޑިއުކޭޝަން މިނިސްޓްރީ

1. ސުލްތާން ރާމިޒް

ފިނޭންސް މިނިސްޓްރީ

1. އަހުމަދު ސާއިދު މުސްތަފާ

ހޯމްލޭންޑް ސެކިއުރިޓީ މިނިސްޓްރީ

1. ހައްށަނު ހަމީދު
2. މުހައްމަދު ރިޝްމީ
3. އަހުމަދު އަލީ

ސްޕޯޓްސް މިނިސްޓްރީ

1. ހުސައިން ޝިފާޒް
2. އައިޝަތު ނާޒިމާ
3. ފާތުމަތު ފަޒުލާ ރަޝީދު
4. އާމިނަތު ޝަޖަން

ޔޫތު މިނިސްޓްރީ

1. މަލްޝާ ޝަރީފު

ކޮންސްޓްރަކްޝަން މިނިސްޓްރީ

1. މުހައްމަދު އިމްރާން ހަސަން
2. ފާތިމަތު އިފާޝާ

ހަޔާ އެޑިއުކޭޝަން މިނިސްޓްރީ

1. އާމިނަތު ނަދާ މުހައްމަދު
2. ޒޫޝާން ކަމާލުއްދީން

ޓްރާންސްޕޯޓު މިނިސްޓްރީ

1. މުހައްމަދު އަވާދު އަޔާޒު

އެންވަޔަރަމަންޓު މިނިސްޓްރީ

1. ހައްސާނު މުހައްމަދު