ސެޕްޓެމްބަރު މަހާއި އޮކްޓޯބަރު މަހު ރާއްޖެއަށް ވައިގެ މަގުން އެތެރެކުރަން އުޅުނު ގާތްގަނޑަކަށް ދެ ކިލޯގެ މަސްތުވާތަކެތި ކަސްޓަމްސްއިން އަތުލައިގަނެފައިވާކަމަށް އެ އިދާރާ އިން މިއަދު ބުނެފި އެވެ.
ކަސްޓަމްސްއިން ބުނި ގޮތުގައި އެއީ މިދިޔަ ދެ މަހު ފަސް ފަހަރެއްގެ މަތިން އަތުލައިގަތް ތަކެއްޗެވެ. އެ ތަކެތީގެ ޖުމުލަ ބަރުދަން 2.389 ކިލޯއަށް އަރަ އެވެ.
އޭގެ ތެރެއިން ހަތަރު ފަހަރު އަތުލައިގަތީ ސިންތެޓިކް ކެތިނޮން އެވެ. އަދި އެއް ފަހަރު މެފެޑްރޯންގެ ބާވަތް އަތުލައިގެންފައިވެ އެވެ.
އަތުލައިގަތް ތަކެތީގެ ތަފުސީލު:
- ސެޕްޓެމްބަރު 7: ޗައިނާ މަގުން އެތެރެކުރަން އުޅުނު، 510 ގްރާމްގެ ސިންތެޓިކް ކެތިނޮން
- ސެޕްޓެމްބަރު 28: ނެދަލެންޑްސްގެ މަގުން އެތެރެކުރަން އުޅުނު 100 ގްރާމްގެ ސިންތެޓިކް ކެތިނޮން
- އޮކްޓޯބަރު 12: ފްރާންސްގެ މަގުން އެތެރެކުރަން އުޅުުނު، 989.6 ގްރާމްގެ ސިތެންޓިކް ކެތިނޮން
- އޮކްޓޯބަރު 19: ޗައިނާގެ މަގުން އެތެރެކުރަން އުޅުނު، 520 ގްރާމްގެ ސިތެންޓިކް ކެތިނޮން
- އޮކްޓޯބަރު 25: އިނގިރޭސިވިލާތު މަގުން އެތެރެކުރަން އުޅުނު، 270 ގްރާމްގެ މެފެޑްރޯން
