ހުޅުމާލެ-3 ގެ ނަމުގައި ތަރައްގީ ކުރާ ބިމުގެ ބޮޑުބައެއް ހިއްކައި ނިންމައިފި އެވެ.
އާބަންކޯ އިން މިއަދު ބުނީ ހުޅުމާލޭ ތިންވަނަ ފިޔަވަހީގެ "ސައިޓް އޭ"ގެ 70 ޕަސެންޓް މިހާރު ހިއްކައި ނމިފައިވާ ކަމަށާއި މި ހަފުތާގައި ސައިޓް އޭގެ މަސައްކަތް މުޅިން ނިމޭނެ ކަމަށެވެ.
މި ބިން ހިއްކަނީ މިހާރު ވެސް އޮތް ޗެނަލް ދެމިގެންދާ ގޮތަށް، ދެ ފަޅި އެވެ. ސައިޓްއޭގެ މަސައްކަތް ނިމުމާ އެކު ސައިޓް ބީގެ މަސައްކަތް ފަށާނެ އެވެ. އެހެންވެ، އެ ސަރަހައްދުގައި ހުރި އުޅަނދުތައް ނަގަން އެދޭ ކަމަށް ވެސް އާބަންކޯއިން އިލްތިމާސްކުރެ އެވެ.
ހުޅުމާލެ 3 ޕްރޮޖެކްޓަކީ ކުރިން ހުޅުމާލޭގެ މާސްޓަ ޕްލޭންގައި ކުރިން ހިމެނޭ ކަމެއް ނޫނެވެ.
އެހެން ނަމަވެސް މާލެ ސަރަހައްދުގެ ބިންތަކަށް އޮތް ޑިމާންޑާއި، މާލެ ސަރަހައްދަށް ދިމާވެފައިވާ ބޯހިޔާވަހިކަމުގެ ދަތިކަން ހައްލުކުރުމަށް ސަރުކާރުން އެ ޕްލޭނަށް ބަދަލު ގެނަ އެވެ. މިއީ މާލޭގެ ރައްޔިތުންނަށް އަމިއްލަ ގޯއްޗަށް ކުރަމުންދިޔަ 40 އަހަރުގެ ދިގު އިންތިޒާރު ނިމުމަކަށް ގެނައުމަށް ރައީސް އިބްރާހިމް މުހައްމަދު ސޯލިހު ވެވަޑައިގެންނެވި ވައުދު ފުއްދުމުގެ މުހިއްމު ފިޔަވަޅެކެވެ.
