އުރީދޫއިން ރޭ މެންދަމު 12:00 ގައި އައިފޯން 15 ޕްރީއޯޑަރު ކޮށްފައި ހުރި ކަސްޓަމަރުންނަށް ފޯނުތައް ހަވާލު ކުރަން ފަށައިފި އެވެ.
އުރީދޫ މޯލްޑިވްސް ހެޑްކުއާޓާސްގައި ރޭ ކުރިއަށް ގެންދިޔަ މި ހާއްސަ ހަރަކާތެއްގައި ވަނީ ކިއުގައި ނުޖެހި ލައިވް މިއުޒިކާއެކު، ހިތްގައިމު މާހައުލެއްގައި ފޯނުތައް ހަވާލުކުރަން ފަށާފަ އެވެ. އަދި ޕްރީއޯޑަރު ކުރި ކަސްޓަމަރުންގެ ތެރެއިން، ފޯނާއި ހަވާލުވުމަށް އިވެންޓަށް ނާންނަ ކަސްޓަމަރުންނަށް މޫލީއިން ފޯނުތައް ޑެލިވާ ކުރުމުގެ މަސައްކަތް ވެސް ފަށާފައިވާ ކަމަށް އުރީދޫއިން ބުނެ އެވެ.
އައިފޯން 15 އަދި އައިފޯން 15 ޕްލަސް ފަރުމާކޮށްފައި ވަނީ ބާރުގަދަ 48 އެމްޕީގެ މެއިން ކެމެރާއަކާ 2x އިތުރު ޓެލެފޮޓޯ އޮޕްޝަނާ، އޭ16 ބަޔޮނިކް ޗިޕް އަދި ޔޫއެސްބީ-ސީ ޗާޖިންގް ޕޯޓް ހިމެނޭހެނެވެ.
އައިފޯން 15 ޕްރޯ އަދި އައިފޯން 15 ޕްރޯ މެކްސް އަކީ އެޕަލް އިން މިހާތަނަށް ނެރުނު އެންމެ ލުއި ޕްރޯ މޮޑެލްތަކެވެ. ވަރުގަދަ ނަމަވެސް ލުއި ޓައިޓޭނިއަމްއިން ފަރުމާކޮށްފާވާ މި ފޯނުތަކުގައި ބޮޑެތި އަޕްގްރޭޑްތަކާއި އެކު 48 މެގަޕިކްސެލްގެ މެއިން ކެމެރާ ސިސްޓަމްގެ އިތުރުން އޭ17 ޕްރޯ އަދި ޔޫއެސްބީ-ސީ ޗާޖިންގް ޕޯޓް ހިމެނެ އެވެ.
އުރީދޫއިން ވަނީ މޫލީ މެދުވެރިކޮށް އައިފޯން ޕްރީއޯޑަރު ކުރި ކަސްޓަމަރުންނަށް ހާއްސަ އޮފާއެއްގެ ގޮތުން އުރީދޫ ނެޓްވޯކްގެ ކަސްޓަމަރުންނަށް ތިން މަސް ދުވަހުގެ މުއްދަތަކާއެކު 100 ޖީބީ މޮބައިލް ޑޭޓާ މުޅިން ހިލޭ ލިބިގެންދާނެ ޕްރޮމޯޝަނެއް ވެސް ތައާރަފުކޮށްފަ އެވެ.
ފޯނު ޕްރީއޯޑަރު ކުރި ފަރާތްތަކުން ބޯނަސް ޑޭޓާ ހޯދުމަށް “Bonus100GB” ކީވޯޑް ޖެހުމަށްފަހު 5555 އަށް އެސްއެމްއެސް ކުރުމުން ޑާޓާ ލިބޭނެކަމަށް އުރީދޫއިން މައުލޫމާތުދެ އެވެ.
