ސަރުކާރުގެ "ބޭކާރު" ވަޒީފާތަކުގެ މައްސަލަ ހައްލުކުރާނީ ބަދަލެއް ހޯދައިދީފައި: މުއިއްޒު

ޕީއެންސީގެ ރިޔާސީ ކެންޑިޑޭޓު ޑރ. މުއިއްޒު؛ ސަރުކާރުގެ "ބޭކާރު" ވަޒީފާތައް ހައްލުކުރަން ގެންގުޅުއްވާ ސިޔާސަތު ވިދާޅުވި - ފޮޓޯ: މިރާޝް ނާޝިމް / އަދަދު

ޕީއެންސީގެ ރިޔާސީ ކެންޑިޑޭޓު ޑރ. މުއިއްޒު؛ ސަރުކާރުގެ "ބޭކާރު" ވަޒީފާތައް ހައްލުކުރަން ގެންގުޅުއްވާ ސިޔާސަތު ވިދާޅުވި - ފޮޓޯ: މިރާޝް ނާޝިމް / އަދަދު

ސަރުކާރުގެ ސިޔާސީ މަގާމުތަކާއި، ސިޔާސީ ބޭނުމަށް ސަރުކާރުގެ އެކި އިދާރާތަކާއި ކުންފުނިތަކުގައި އުފައްދާފައިވާ "ބޭކާރު" ވަޒީފާތަކުގެ މައްސަލަ ހައްލު ކުރާނީ ވަޒީފާތަކުގައި ތިބި މީހުނަށް އެ ވަޒީފާގެ ބަދަލެއް ދައްކުވައިދީފައި ކަމަށް ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒު ވިދާޅުވެއްޖެ އެވެ.

ރިޔާސީ އިންތިހާބުގެ ކެމްޕެއިނުގައި ރާއްޖޭގެ އުތުރުގެ ރަށްރަށަށް ކުރައްވަމުން ގެންދަވާ ދަތުރުފުޅުގެ ތެރެއިން މިރޭ ހއ. ދިއްދޫގައި ބޭއްވި ޖަލްސާގައި ވާހަކަ ދައްކަވަމުން އޭނާ ވިދާޅުވީ ވަޒީފާތައް އުފެއްދުމުގެ ވިސްނުން ސަރުކާރުން ގެންގުޅެން ވާނީ އިގުތިސޯދީ މަޝްރޫއުތައް މެދުވެރިކޮށް ކަމަށެވެ.

"އެއާޕޯޓު ހިންގުމުގެ ތެރެއިން، ސިޓީ ހޮޓާތަކާއި ގެސްޓް ހައުސް ވިޔަފާރިން ވެސް އުފެދެނީ ވަޒީފާ، ވަޒީފާ ލިބި، ޒުވާނުންނާއި، އެކި އުމުރުފުރާގެ ފަރާތްތަކަށް އެ ލިބެނީ އިގުތިސޯދީ ބާރުވެރިކަން، އަމިއްލަ މިނިވަންކަން، އަމިއްލަ ފުދުންތެރިކަން، އެއީ ސަރުކާރަށް ލިބެން ޖެހޭ އެންމެ އުފާވެރިކަން،" މުއިއްޒު ވިދާޅުވި އެވެ.

ރައީސް އިބްރާހިމް މުހައްމަދު ސޯލިހުގެ ސަރުކާރުގެ ކުންފުނިތަކުގެ ވަޒީފާތައް އިތުރުކުރުމުގެ ސިޔާސަތު، އިދިކޮޅު ޕީޕީއެމް/ޕީއެންސީ އިއްތިހާދުގެ ތާއީދާއެކު ނުކުންނެވި ކެންޑިޑޭޓު މުއިއްޒު ވެސް ތުހުމަތު ކުރެއްވީ "ސިޔާސީ ބޭނުމަށް" ސަރުކާރަށް ތާއީދު ހޯދަން ވެގެން "ބޭކާރު" ގޮތުގައި އުފައްދާފައިވާ ވަޒީފާތަކެއްގެ ގޮތުގަ އެވެ.

ކުރީގެ ރައީސް އަބްދުﷲ ޔާމީނުގެ އިތުރުން ކުރީގެ ރައީސް ޑރ. މުހައްމަދު ވަހީދުގެ ސަރުކާރުގައި އެ ހިނގި ހަތް އަހަރުގެ މުއްދަތުގައި ހައުސިން މިނިސްޓަރަކަށް ހުންނެވި މުއިއްޒު ވިދާޅުވީ، އިތުރު ވަޒީފާތަކުގެ މައްސަލަ ހައްލު ކުރަން ޖެހޭ ކަމަށެވެ.

ނަމަވެސް މައްސަލަ ހައްލުކުރުމުގެ ތެރެއިން އެއްވެސް މީހަކު ވަޒީފާއިން ބާކީވެގެން ނުދާނެ ގޮތެއް ސަރުކާރުގެ ނިޒާމުގެ ތެރެއިން ހަމަޖައްސަވައިދެއްވާނެ ކަމުގެ ޔަގީންކަން، މުއިއްޒު ދެއްވި އެވެ.

"އެއްވެސް ރައްޔިތަކަށް ލިބޭ ފުރުސަތަކުން އަޅުގަނޑުމެންގެ ސަރުކާރުން މަހުރޫމު ނުކުރާނަމޭ، އެކަމަކު ފަހަރެއްގައި އެ ވަޒީފާ އެ ކުންފުންޏަކުން ދެން ނޯވެދާނެ، ނަމަވެސް މުޅި ސަރުކާރުގެ ނިޒާމުގެ ތެރެއިން، ކޮންމެ ވެސް ވަޒީފާއެއް، ހަމަ އެ މުސާރައަށް ހަމަޖައްސައިދޭނަން،" މުއިއްޒު ވިދާޅުވި އެވެ.

ވަޒީފާގެ ބިރު ހިތުގައި އޮވެ ނުދެއްވާށޭ، ސިޔާސީ ގޮތުން ތަޅު އެޅުވުމަށް ވަޒީފާދޭ ކަމަށް ހީކޮށްދޭން އުޅުނަސް އެ ހީގައި ނުޖެހޭށޭ - މުއިއްޒު

ސަރުކާރު ކުންފުންޏަކަށް ބޭނުން ނުވާ ވަރަށް ވުރެ އިތުރަށް ވަޒީފާ ދީފައިވާނަމަ، ވަޒީފާގައި ތިބި މީހުންނަށް ބަދަލު ހަމަޖައްސައިދެއްވާނެ ގޮތުގެ ބައެއް މިސާލުތައް ވެސް އޭނާ ކިޔައިދެއްވި އެވެ.

"ކުންފުންޏެއްގެ މާލިއްޔަތަށް ނުތަކާ ވަރަށް ވަޒީފާތައް އޮވެދާނެ، ފިނޭންސް މިނިސްޓްރީގެ ބަޖެޓުން އެތައް މިލިއަނެއް ކޮންމެ މަހަކު ހަރަދު ކުރަން ޖެހޭ ގޮތަށް އޮވެދާނެ، އެހެންވީމާ ބަދަލުތަކެއް އައިސްދާނެ، އެހެންވާނަމަ އެހެން ކުންފުންޏަކަށް ވެސް ބަދަލުކުރަން ޖެހިދާނެ،" މުއިއްޒު ވިދާޅުވި އެވެ.

މީގެ ދެ އަހަރެއް ކުރިން މާލޭގެ މޭޔަރަކަށް އިންތިހާބުވި މުއިއްޒު ވިދާޅުވި ގޮތުގައި ބައެއް ހާލަތްތަކުގައި ސިޔާސީ ފިކުރު އެއްފަރާތްކޮށްފައި ގައުމީ ވިސްނުމެއްގައި މަސައްކަތް ކުރަން ޖެހޭނެ އެވެ. އެހެންކަމުން އަންނަ އިންތިހާބު މާ ގިނަ ބުރުތަކަށް ބާއްވަން ނުޖެހޭ ގޮތަށް ވޯޓު ދިނުމަށް އިލްތިމާސްކުރެއްވި އެވެ.

ރިޔާސީ އިންތިހާބު ކާމިޔާބުކުރަން މަދުވެގެން ވޯޓުލާ މީހުންގެ 50 އިންސައްތަ އަދި އިތުރު އެއް ވޯޓު ހޯދަން ޖެހެ އެވެ. ފުރަތަމަ ބުރުގައި އެއްވެސް ކެންޑިޑޭޓަކަށް އެ ވަރަށް ވޯޓު ނުލިބޭނަމަ، އެންމެ ގިނަ ވޯޓު ލިބޭ ދެ ކެންޑިޑޭޓުންގެ މެދުގައި ދެވަނަ ބުރެއްގެ ވޯޓު ލުން ބާއްވަން ޖެހެ އެވެ.

މުއިއްޒު އެދިވަޑައިގަންނަވަނީ ފުރަތަމަ ބުރުގައި ވެސް ރައްޔިތުންގެ ސާފު އަޣުލަބިއްޔަތު އޭނައަށް ދިނުމަށެވެ.

ކޮމެންޓް

ފަހުގެ ޚަބަރު

ގައުމުގެ ދިފާއުގައި ތެދުވާންވީ ވަގުތު ޖެހިއްޖެ: އިމްރާން

ރަސްމާލެއިން ބޮޑު ބިމެއް ބޭރުގެ ކުންފުންޏަކަށް ދިގު މުއްދަތަށް ދޭން ނިންމި ނިންމުމަކީ ގައުމަށް ޣަދަރުވެރިވުން ކަމަށް ސިފަކުރައްވައި، އެކަމާ ދެކޮޅަށް ތެދުވުމަށް ކުރީގެ ހޯމް މިނިސްޓަރު އިމްރާން އަބްދުﷲ ގޮވާލައްވައިފިއެވެ.

ސަލަފާއި އަދާލަތުން ރަސްމާލެ މަޝްރޫއު ދިރާސާކުރަނީ

ރަސްމާލެ މަޝްރޫއުގެ ދަށުން ބޭރުގެ ކުންފުންޏަކަށް ބޮޑު ބިމެއް ދިގު މުއްދަތަށް ދޭން ނިންމުމާ ގުޅިގެން، އެކަމުގައި ކަންބޮޑުވުންތަކެއް ހުރިތޯ ބަލަން އަދާލަތު ޕާޓީ އާއި ސަލަފް ޖަމިއްޔާއިން ދިރާސާކުރަން ފަށައިފިއެވެ.

ދުންފަތުގެ ކިއޮސްކުތައް މާލޭގައި ބަހައްޓަން މަޝްވަރާކޮށްފި

ދުންފަތުގެ އިސްތިއުމާލުކުރުމާ ދުރުހެލި މުޖުތަމައުއެއް ބިނާކުރުމަށްޓަކައި، މާލޭގެ ބައެއް މަގުތަކުގައި ދުންފަތުގެ އިސްތިއުމާލުކުރާ މީހުންނަށް ހާއްސަ ކިއޮސްކުތަކެއް ބެހެއްޓުމަށް އެޗްޕީއޭ އާއި މާލެ ސިޓީ ކައުންސިލުން މަޝްވަރާކޮށްފި

ހުޅުމާލޭ ފޭސް 1 ގެ ބައެއް ސަރަހައްދުތަކުން ކަރަންޓު ކެނޑިއްޖެ

ހުޅުމާލޭ ފުރަތަމަ ފިޔަވަހީގެ ބައެއް ސަރަހައްދުތަކުން މިއަދު ހަވީރު ގަޑިއެއްހާއިރަށް ކަރަންޓު ކެނޑުނު ނަމަވެސް، މިހާރު ވަނީ އަލުން ކަރަންޓު ދީފަ. މާލެ ސަރަހައްދުން ދޭތެރެއަކުން ކަރަންޓު ކެނޑޭ މައްސަލަ ދިމާވަނީ ކޭބަލްތަކަށް ގެއްލުންވުމުގެ ސަބަބުން ނުވަތަ ޓްރާންސްފޯމަރުތަކަށް ދިމާވާ މައްސަލަތަކުން ކަމަށް ސްޓެލްކޯއިން ބުނޭ.

ރަސްމާލެ ޑީލު ބާތިލުކަމަށް ކަނޑައަޅައިދޭން އެދި ސުޕްރީމް ކޯޓަށް

ރަސްމާލެއިން ހިއްކާ ބިމުގެ ބޮޑު ބައެއް ޔޫއޭއީގެ އީގަލް ހިލްސް ކުންފުންޏަށް 99 އަހަރަށް ދިނުމަށް ސަރުކާރުން ވެފައިވާ އެއްބަސްވުން ބާތިލުކުރުމަށް އެދި ސުޕްރީމް ކޯޓަށް މައްސަލައެއް ހުށަހަޅައިފިއެވެ. އެ މައްސަލައިގައި އެދިފައި ވަނީ ކޯޓުން ވަކިގޮތަކަށް ނިންމުމުގެ ކުރިން އެއްބަސްވުމަށް އަމަލުކުރުން މަޑުޖައްސާލަދިނުމުގެ ވަގުތީ އަމުރެއް ނެރެދިނުމަށް.

ކެމިކަލް ވިއްކުމުގެ ހުއްދަ ނަގަން އިތުރު ފުރުސަތެއް ދީފި

ރާއްޖޭގައި ނުރައްކާތެރި ކެމިކަލް ވިއްކާ ފަރާތްތަކުން ހުއްދަ ނެގުމަށާއި، ސްޓޯކުރާ ތަންތަން "މަކުޑި" ޕޯޓަލްގައި ރަޖިސްޓްރީކުރުމަށް ދިން މުއްދަތު ޑިފެންސް މިނިސްޓްރީން އެއް މަސްދުވަހަށް ވަނީ އިތުރުކޮށްފައި. މި މުއްދަތުގެ ތެރޭގައި ރަޖިސްޓްރީ ނުކުރާ ފަރާތްތަކަށް ކެމިކަލް އެތެރެކުރުމުގެ ހުއްދަ ނުދިނުމަށް މިނިސްޓްރީން ވަނީ ނިންމާފައި.

"ގޭންގުތަކުގައި އުޅުނު ގިނަ މީހުން ހިޔާރުކުރީ ރަނގަޅު މަގު"

ސަރުކާރުން ގޭންގުތަކުގައި އުޅޭ ޒުވާނުންނަށް ދިން ފުރުސަތުތަކާއެކު، އޭގެ ތެރެއިން ގިނަ ބަޔަކު ކުށުގެ ވެށިން ދުރުވެ މިހާރު ވަޒީފާތަކާއި ވިޔަފާރީގައި ހަރަކާތްތެރިވަމުންދާ ކަމަށް މިނިސްޓަރު އިހުސާން ވިދާޅުވި. މިނިސްޓަރު ފާހަގަކުރެއްވި ގޮތުގައި ގޭންގުތަކާ ދެކޮޅަށް ހިންގި އޮޕަރޭޝަންތަކާއި ދިން ނަސޭހަތުގެ ސަބަބުން މާރާމާރީތައް މަދުވެފައިވާ ކަމަށް.

Newsletter

Get the latest news delivered straight to your inbox