ބަންޑާރަ ނައިބުގެ އިބްރާހިމް ރިފްއަތުގެ އިތުބާރު ނެތް ކަމަށް ބުނެ ހުށަހެޅި މައްސަލައިގައި ޖަވާބުދާރީވެވަޑައިގަތުމަށް އޭނާ މަޖިލީހުގެ ތަޅުމަށް ވަޑައިގަތުމުން، މައްސަލަ ރަނގަޅަށް ކުރިއަށް ގެންގޮސް ޖަވާބުދާރީ ކުރުވުމުގެ މަސައްކަތަށް ވުރެ ބޮޑަށް އިއްޔެ ޖަލްސާ ކުރިއަށްދިޔާ "ނިޒާމީ މައްސަލަ"އިގަ އެވެ.
މަޖިލީހުގެ ތަޅުމުގައި މައްސަލަ ކުރިއަށް ދިޔައިރު ވެސް، ގަވާއިދުގައި ބުނާ ނިޒާމެއް ނެތެވެ. ހަޅޭއްކާއި ޖެއްސުންކުރުމާއި ފުރައްސާރައިގެ ތެރޭގައި ބަންޑާރަ ނައިބު ރިފްއަތު ދެއްވީ ވަރުގަދަ ރައްދެކެވެ.
"ގާނޫނު އަސާސީގެ 133 ވަނަ މާއްދާއާ އަޅުގަނޑު ހިލާފަށް ކޮށްފި ކަމަށް މަޖިލީހުގެ 13 މެމްބަރުން ނިންމީ ކޮން ގާނޫނީ އުސޫލަކުންތޯ؟ އަޅުގަނޑު އެ ބޭފުޅުންނާ ސުވާލުކޮށްލަން ބޭނުން، ގާނޫނުއަސާސީގެ 101 ވަނަ މާއްދާގެ ހ. ގައި ބުނަނީ ސަބަބު ބަޔާންކޮށްގެން މެނުވީ ވަޒީރެއްގެ އިތުބާރު ނެތް ކަމުގެ މައްސަލައެއް ހުށަނޭޅޭނެ ކަމަށް. ދެކުނުގެ އީއީޒެޑްގެ މައްސަލައިގައި ރާއްޖެއަށް ބޮޑުބައި ހޯދުމަށް އަޅުގަނޑު ވަކާލާތު ކުރި ގޮތާމެދު މަޖިލީހުގެ ރައީސް އާއި މަޖިލީހުގެ 13 މެންބަރުންގެ ހިތަށް ފެންނަ ގޮތަކީ ގާނޫނު އަސާސީގައި ބުނާ ސަބަބެއް ނޫން،" ރިފްއަތު ވިދާޅުވި އެވެ.
ބައެއް މުހިންމު ހަބަރު
ދުވަހުގެ ކޯޓޭޝަން
ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އެ މަޖިލީހުގެ 100 ޕަސެންޓު ތާއިދު އޮތް ކަމާއި އެކަމަށް ކަންބޮޑުވެ ވަޑައިނުގަތުމާއި، މަޖިލިސް ހިންގަވާނީ ގާނޫނާ ގަވާއިދާ އެއްގޮތަށް ކަމަށް އެ މަނިކުފާނު އިއްޔެގެ ޖަލްސާގައި ވިދާޅުވުމުން، ކެނދިކުޅުދޫ ދާއިރާގެ މެންބަރު އަހުމަދު އީސާ ވިދާޅުވީ؛
އަޅުގަނޑު ހަމަ ރިކޯޑަށްޓަކައި ދަންނަވާލަން. މަޖިލީހުގެ ގަވާއިދާ ހިލާފަށް ރައްޔިތުންގެ މަޖިލީހުގެ ޖަލްސާއެއް ރިޔާސަތުން ގެންދަވާތީ ރިޔާސަތަށް އަޅުގަނޑުގެ އިތުބާރެއް ނެތް،"
ދުވަހުގެ ފޮޓޯ
މިހާރު ކުރިއަށްދާ ބައިނަލްއަގުވާމީ ބެޑްމިންޓަން މުބާރާތުގައި ނަބީހާ. -- ފޮޓޯ: އަބްދުﷲ އިޔާން/ އަދަދު
