މި އަހަރު ގެ މާޗު މަހާ އަޅާ ބަލާއިރު، އެޕްރީލް މަހު ޑެންގޫ އަދި ވައިރަލް ހުން ޖެހިގެން ރިޕޯޓް ކޮށްފައިވާ އަދަދު އިތުރުވެއްޖެ އެވެ.
އެޗްޕީއޭއިން އާންމުކޮށްފައިވާ އޭޕްރީލް މަހުގެ ތަފާސްހިސާބުތަކުން ދައްކާ ގޮތުގައި މާޗު މަހު 228 ކޭސް ރިޕޯޓުކޮށްފައި ވާއިރު، އޭޕްރީލް މަހު އެ އަދަދު ވަނީ 320 އަށް އަރައިފަ އެވެ.
ވައިރަލް ހުން ޖެހިގެން މާޗު މަހު 10،377 ކޭސް ރިޕޯޓުކޮށްފައި ވާއިރު، އޭޕްރީލް މަހު ރިޕޯޓުކޮށްފައިވަނީ 11،603 ކޭހެވެ.
މި އަހަރު ރިޕޯޓު ކުރި ޑެންގޫ ކޭސްތަކުގެ އަދަދު
- ޖެނުއަރީ: 238
- ފެބްރުއަރީ: 146
- މާޗު: 228
- އޭޕްރިލް 320
މި އަހަރު ރިޕޯޓު ކުރި ވައިރަލް ހުމުގެ ކޭސްތަކުގެ އަދަދު
ޖެނުއަރީ: 8219
ފެބްރުއަރީ: 7738
މާޗު: 10،377
އޭޕްރިލް: 11،603
މިދިޔަ މަހު ޑެންގޫ އިތުރުވެފައި ވަނީ ރ، ބ، އދ، މ، ދ، ތ، ލ އަތޮޅު އަދި އައްޑޫ ސިޓީގަ އެވެ. ނަމަވެސް އެހެން އަތޮޅުތަކުގައި ވެސް ހުން ދަނީ ފެތުރަމުން ކަމަށް އެޗްޕީއޭގެ ތަފާސްހިސާބުތަކުން ދައްކައެވެ.
މިދިޔަ އަހަރު ޑެންގޫ ކޭސްތައް އެންމެ މައްޗަށް ދިޔައީ އޮކްޓޯބަރު މަހު އެވެ. އެ މަހު 660 ކޭސް ރިޕޯޓު ކުރި އެވެ.
