މަސް ނިމުނު އިރުވެސް އޭޕްރީލް މަހުގެ މުސާރަ މާލެ ސިޓީ ކައުންސިލްގެ މުވައްޒަފުންނަށް ޖަމާނުވާކަން ހާމަވެއްޖެ އެވެ.
އެ ކައުންސިލްގެ ބައެއް މުވައްޒަފުން މުސާރަ ޖަމާނުވެގެން ޝަކުވާ ކުރަމުންދާއިރު ކައުންސިލްގެ ސެކްރެޓަރީ ޖެނެރަލް މުޖުތަބާ ޖަލީލު ވަނީ މިއަދު އެ ކައުންސިލްގެ މުވައްޒަފުންނަށް މުސާރަ ޖަމާވާނެ ކަމަށް "އަދަދު" އަށް ވިދާޅުވެފަ އެވެ.
މުޖުތަބާ އިތުރަށް ވިދާޅުވީ މެއި މަހުގެ މުސާރަ ޖަމާވުމުގައި ލަސްތަކެއް ކުރިމަތިވި މައިގަނޑު ސަބަބަކީ ރޯދަ މަހު ބޭންކުގެ ހިދުމަތް ދޭ ގަޑިތައް މަދުވުން ކަމަށާއި މިހާރު މުސާރަ ޝީޓު ބޭންކަށް ފޮނުވާ މުސާރަ އަވަސްކޮށްދިނުމަށް އެދިފައިވާ ކަމަށެވެ.
"އަޅުގަނޑުމެންގެ މުވައްޒަފުންވެސް 9:00 އޮފީހަށް ނުކުންނަނީ، ދެން ބޭންކަށް 11:00 ގެ ކުރިން ހުށަހަޅަން އުނދަގޫތަކެއް ދީމާވީ، އިއްޔެ އަކީ ބަންދު ދުވަހެއްވީމަ ވެސް ލަސްވެގެންދިޔަ، އާންމު މަސްތަކުގައި މިފަދައިން ދިމައެއް ނުވާނެ،" އޭނާ ވިދާޅުވި އެވެ.
އޭގެ އިތުރުން، އެ އިދާރާގެ މުވައްޒަފުންގެ އަދަދު ގިނަވުމާއި ގަޑި ޖެހޭ މުވައްޒަފުންގެ ރެކޯޑުތައް އެއްކޮށް، ޑޮކިއުމެންޓު ތައްޔާރުކުރުމަށް ވެސް ގިނަ ވަގުތު ހޭދަވާކަން މުޖުތަބާ ފާހަގަކުރެއްވި އެވެ.
އެކަމާ ގުޅިގެން މި ނޫހަށް އަށް މައުލޫމާތު ދެއްވި ސިޓީ ކައުންސިލްގެ އިސް އޮފިޝަލެއް ވިދާޅުވި ގޮތުގައި ސިޓީ ކައުންސިލުން މެދުނުކެނޑި ގިނަ މުވައްޒަފުންތަކެއް ނެގުމާއި މުވައްޒަފުންގެ ހާޒިރީ ބެލެހެއްޓޭނެ ރަނގަޅު އޮނިގަނޑެއް ނެތުމަކީ މިފަދައިން މުސާރަ ދިނުމުގައި ލަސްތަކެއް އައުމަށް ކުރިމަތިވި އެއް ސަބަބެވެ.
