ޔުވެންޓަސް ކަޓުވާލައި އިންޓަ އިން ތަށި ދިފާއުކުރުމުގެ ފުރުސަތު ހޯދައިފި

Apr 27, 2023, 1:15 AM
އިންޓަގެ ޑި މާކޯ (ކ) އަތުން ބޯޅަ ހޯދަން ޔުވެންޓަސްގެ މިރޭޓީ މަސައްކަތް ކުރަނީ.--- ފޮޓޯ: އޭއެފްޕީ

އިންޓަގެ ޑި މާކޯ (ކ) އަތުން ބޯޅަ ހޯދަން ޔުވެންޓަސްގެ މިރޭޓީ މަސައްކަތް ކުރަނީ.--- ފޮޓޯ: އޭއެފްޕީ

މިލާން (އޭޕްރީލް 27) - އިޓާލިއަން ކަޕްގެ ސެމީ ފައިނަލް ދެ ވަނަ ލެގުގައި ރޭ 1-0 އިން މޮޅުވެ، އިންޓަ މިލާނުން ޔުވެންޓަސް ކަޓުވާލައި ފައިނަލަށް ދަތުރުކޮށް، މުބާރާތުގެ ތަށި ދިފާއުކުރުމުގެ ފުރުސަތު ހޯދައިފި އެވެ.

މި މަހު ކުރީކޮޅު ޔުވެންޓަސް ދަނޑުގައި ކުޅުނު ސެމީ ފައިނަލް ފުރަތަމަ މެޗު ނިމުނީ 1-1 އިން އެއްވަރުވެގެންނެވެ. އެހެންވެ، ރޭ މިލާން ދަނޑުގައި ކުޅުނު މެޗުން ކޮންމެ ޓީމެއް މޮޅުވިޔަސް އެ ޓީމަކަށް ފައިނަލަށް ދިއުމުގެ ފުރުސަތު އޮތީ ފަހިކޮށެވެ.

އިންޓަ އިން މި މެޗުގައި ޖެހި ހަމައެކަނި ގޯލު ކާމިޔާބުކުރީ މެޗުގެ 15 ވަނަ މިނިޓްގަ އެވެ. ނިކޯލޯ ބަރޭލާ ދިން ބޯޅަ އަކަށް ހުސްކޮށް އަރައި، ފެޑެރީކޯ ޑި މާކޯ ވަނީ ގޯލަށް ބޯޅަ ފޮނުވާލައިފަ އެވެ. މިއީ މި ސީޒަނުގައި އޭނާ ޖެހި ފަސް ވަނަ ގޯލެވެ.

މި މެޗުގައި އިންޓަ އަށް ދެ ވަނަ ގޯލެއް ޖަހައިދޭން ދެ ވަނަ ހާފުގައި ލަޓާރޯ މާޓީނޭޒް އާއި ހެންރިކް މިކިތާރްޔަން އަށް ރަނގަޅު ފުރުސަތުތަކެއް ލިބިގެންދިޔަ އެވެ. އެ ގޮތުން އިންޓަގެ ފުލްބެކް، ޑެންޒެލް ޑަމްފްރީސް ނެގި ހުރަހަކަށް އެރި މާޓީނޭޒް ފައިގައި ބޯޅަ ނުޖެހި ދިޔައިރު، މިކިތާރްޔަން ޖެހި ބޯޅަ ޔުވެންޓަސްގެ ކީޕަރު މަޓީއާ ޕެރިން ވަނީ މަތަކޮށްފަ އެވެ.

"ދެ ލެގަށް ބަލާއިރު، އަަހަރެންގެ ޓީމު (އިންޓަ މިލާން) ފައިނަލަށް ދިއުން ހައްގު. ސީޒަނުގައި އަދި 10 ވަރަކަށް މެޗު އެބައޮތް. އަހަރެންގެ އުންމީދަކީ އަދި އެއް ފައިނަލް ކުޅެލަން ލިބުން،" އިންޓަގެ ކޯޗު ސިމޯން އިންޒާގީ ބުންޏެވެ.

އިންޓަ އިން މި މަހު 24 ވަނަ ދުވަހު ކުޅޭ އިންޓާލިއަން ކަޕް ފައިނަލުގައި ތަށި ދިފާއުކުރަން ނުކުންނާނީ ކްރެމޮނެސޭ ނޫނީ ފިއޮރެންޓީނާއާ ދެކޮޅަށެވެ. ފިއޮރެންޓީނާ ވަނީ ފުރަތަމަ ލެގުން 2-0 އިން މޮޅުވެފަ އެވެ.

އިޓާލިއަން ލީގުގައި އެންމެ އެކަށީގެންވާ ހިސާބެއްގައި ނެތް ކަމުގައި ވިޔަސް، އިންޓަ އިން އަންނަނީ ޗެމްޕިއަންސް ލީގުގެ ސެމީ ފައިނަލުގައި ވާދަވެރި އޭސީ މިލާނާ ކުޅެން ވެސް ތައްޔާރުވަމުންނެވެ. މިއީ، 2010 ވަނަ އަހަރު ޗެމްޕިއަންސް ލީގު ކާމިޔާބުކުރި ފަހުން އެ ޓީމުން ސެމީ ފައިނަލަށް ވެސް ދަތުރުކުރި ފުރަތަމަ ފަހަރެވެ.

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox